Rreth nesh

Shpalljet e Kosovës, shpejt dhe pa ndërmjetës

SuperShpejt është platforma e shpalljeve për Kosovën: shpall falas, kërko me filtra realë dhe bisedo drejt me shitësin — kudo që ndodhesh.

Nuk jemi palë në shitblerje. Nuk marrim komision, nuk marrim pjesë në pagesa dhe nuk ofrojmë dërgesa. Me pagesë janë vetëm promovimi i shpalljes dhe reklamat te Ekrani — të dyja opsionale.

Falas për shitësin
Pa komision
38 komuna të Kosovës

Shpall falas Shiko shpalljet

Tani në platformë

Drejtpërdrejt

2378

shpallje aktive tani — i njëjti numër që sheh kryefaqja.

Kategori: 14
Nënkategori: 121
Komuna: 38
Rajone: 7

Shfleto të gjitha shpalljet

Si e ndërtojmë

Tri parime, me fakte pas secilit

Nuk janë vetëm slogane. Çdo rresht më poshtë përshkruan diçka që platforma e bën pikërisht ashtu siç thuhet.

Shpejtësi

Formular i shkurtër: fushat përshtaten vetë sipas nënkategorisë që zgjedh.
Deri në 12 foto për shpallje, të kompresuara në shfletuesin tënd para ngarkimit.
Chat në kohë reale me blerësin, dhe email për mesazhin e parë të çdo bisede.

Qartësi

Kërkimi kupton shqipen me dhe pa theksa: «makinë» dhe «makine» gjejnë të njëjtat shpallje.
Filtra realë sipas nënkategorisë — kilometrazhi te automjetet, sipërfaqja te patundshmëria, memoria te telefonat.
Pas 60 ditësh pa përditësim shpallja merr shenjën «E skaduar» — nuk fshihet dhe nuk zhduket.

Kontroll mbi të dhënat

Numri yt i telefonit shfaqet vetëm nëse e shton vetë, dhe i maskuar derisa blerësi shtyp «shfaq».
Të dhënat nuk u shiten palëve të treta dhe nuk përdoren për reklama të personalizuara jashtë platformës.
Vizitori i pakyçur nuk profilizohet: kujtesa e tij rri te pajisja e vet.

Veçoritë

Çfarë kemi ndërtuar

Kartat me shigjetë çojnë te veçoria e vërtetë. Aty ku duhet llogari, e thotë.

Gjej

Kërkimi me filtra

Filtra realë sipas nënkategorisë, thonjëza dhe «-» për përjashtim. Gjendja e kërkimit rri në adresë: lidhja ndahet dhe «prapa» punon.

Kërko

Gjej

AI që ndihmon, jo që vendos

Një fjali e lirë kthehet në filtra për kërkimin, dhe te çdo shpallje mund të pyesësh a ia vlen çmimi. Të dyja kërkojnë llogari dhe ndizen vetëm kur shërbimi është aktiv. Sot janë të dyja aktive.

Gjej

Harta e tregut

Komunat e Kosovës si hartë me lente: dendësia e shpalljeve, çmimi mesatar, freskia dhe moti i çastit. Klikimi çon te shpalljet e komunës.

Hap hartën

Gjej

Në trend tani

Termat që po kërkohen vërtet këtë javë, te kutia e kërkimit. Asnjë term nuk shfaqet para se ta kërkojnë 3 vizitorë të dallueshëm.

Ndiq

Për ty

Feed që mëson nga ajo që sheh: te i kyçuri nga historia e vet, te vizitori nga kujtesa e pajisjes. Deri në 10 kërkime të ruajtura, me njoftim kur del diçka e re.

Hap feed-in

Ndiq

Kërkesat

Shkruaj çfarë po kërkon dhe shpalljet vijnë te ti. Deri në 10 kërkesa aktive, private — asnjë tekst nuk del te askush. Kërkon llogari.

Shto kërkesë

Ndiq

Të preferuarat

Zemra punon edhe pa llogari: lista rri te pajisja dhe bashkohet me llogarinë kur regjistrohesh. Shitësi njoftohet që dikush e ruajti — kurrë kush.

Shiko listën

Beso

Mesazhet

Chat i integruar, në kohë reale, me email për mesazhin e parë të çdo bisede — kurrë për çdo mesazh. Bisedën e shohin dy palët — stafi vetëm kur trajton një raportim. Kërkon llogari.

Hap mesazhet

Beso

Vlerësimet e dyanshme

Vlerëson vetëm llogaria e verifikuar që ka shkëmbyer mesazhe nga të dyja anët — një herë në 6 muaj për çift, me 24 orë redaktim. Mesatarja shfaqet vetëm pas 3 vlerësimesh.

Beso

Verifikimi

Aplikim opsional që e shqyrton stafi. Shenja e verifikimit shfaqet vetëm te kush e ka kaluar; llogaria e verifikuar publikon pa pritur shqyrtim dhe ka kufij më të lartë. Kërkon llogari.

Apliko

Rritu

Bizneset

Direktoria sipas komunës dhe vitrina me orar, lidhje sociale dhe ndjekje. Vitrina publikohet pas shqyrtimit të stafit, dhe renditja e direktorisë nuk varet nga paketat.

Hap direktorinë

Rritu

Premium nga 5 € në javë e ngre shpalljen në krye të kategorisë; Ultra shton reklamë të paguar. Ekrani është bilbordi digjital i platformës — te faqja e vet, në mënyrën TV dhe, kur është e ndezur, gjatë shfletimit — me plane nga 91 deri 364 ditë.

Shiko paketat

Privatësia

Të dhënat e tua, sipas parimit

Katër rregulla që rrinë në bazën e të dhënave, jo vetëm te teksti. Gjithçka që ruhet dhe që nuk ruhet është e shkruar te politika e privatësisë.

Nuk i shesim të dhënat e tua
Asnjë palë e tretë nuk i merr, dhe nuk përdoren për reklama të personalizuara jashtë platformës. Autoriteteve u jepen vetëm kur na kërkohet ligjërisht.
Kërkimet publike janë anonime
«Në trend tani» del nga kërkime të vërteta, por asnjë term nuk shfaqet nën 3 vizitorë të dallueshëm. Vizitori është një hash i adresës me kripë javore — kurrë adresa, kurrë llogaria.
I pakyçuri nuk profilizohet
Kujtesa e vizitorit rri te pajisja e vet dhe serveri vetëm përgjigjet: pa cookie gjurmimi, pa hash, pa tabelë. Teksti i kërkimit nuk kapet automatikisht.
Ti e sheh dhe e fshin kujtesën
I kyçuri e sheh historinë e shikimeve — deri te 200 shpalljet e fundit — dhe e fshin me një klikim. Fikja e feed-it fshin, nuk fsheh.

Çfarë dimë për ty Politika e privatësisë Cookies

Moderimi

Si e mbajmë tregun të pastër

Moderimi ndjek përmbajtjen, jo momentin e krijimit. Rregullat zbatohen nga baza e të dhënave edhe kur një buton harron.

1
Përmbajtja shqyrtohet
Te një llogari e paverifikuar shpallja pret aprovimin e stafit jo vetëm kur krijohet, por sa herë ndryshon — edhe me një foto të re. Aprovimi vlen për tekstin që pa stafi.
2
Çdo llogari raporton
7 arsye të fiksuara, një raportim për shpallje. Raportimi shkon te radha e stafit; pala e raportuar nuk njoftohet, dhe raportuesi merr vetëm «u shqyrtua» — kurrë vendimin. Kërkon llogari.
3
Vërejtjet kanë pasoja
3 vërejtje brenda 180 ditësh e bllokojnë llogarinë vetvetiu. Pronari i sheh të gjitha te profili i vet.