Rregullat e shpalljeve

Zbritja e çmimit

Kur ia ul çmimin një shpalljeje aktive — me «Zbrit çmimin» te «Shpalljet e mia» ose te faqja e shpalljes, ose te «Ndrysho» — blerësi mund ta shohë çmimin e mëparshëm të hequr me vijë, me përqindjen pranë. Këta kufij i mban vetë baza e të dhënave, dhe si dialogu «Zbrit çmimin», ashtu edhe forma e «Ndrysho», të thonë para ruajtjes nëse ulja do të shfaqet si zbritje.

• Kur shfaqet si zbritje

  Te një shpallje aktive me «Çmim fiks» ose «I diskutueshëm», kur çmimi i ri është nga 10% deri në 90% nën çmimin e mëparshëm. Përqindja rrumbullakohet poshtë, kurrë lart. Një ulje më e vogël — me «Zbrit çmimin» ose te «Ndrysho» — e ndryshon çmimin pa zbritje. «Punë», «Falas / Dhuroj», «Shkëmbim» dhe «Humbur & Gjetur» nuk kanë zbritje.

• Çmimi i mëparshëm

  Nuk e shkruan ti: është çmimi më i ulët i shpalljes në 24 orët para uljes, dhe shpallja duhet t'i ketë kaluar ato pa u arkivuar, shitur a refuzuar. Ndryshimi i monedhës, i kategorisë ose i mënyrës së tarifimit e rinis historinë e çmimit. Nën çmim, te «Si u llogarit?», kushdo i sheh çmimet dhe datat prej të cilave doli.

• Sa zbritje

  Të shumtën 4 për shpallje, për gjithë jetën e saj: numërohen edhe ato të stafit dhe ato që humbën, u refuzuan ose u hoqën — edhe me «Rikthe çmimin e mëparshëm» — dhe numëruesi nuk rinis. Mes dy zbritjeve kalojnë të paktën 24 orë. Pasi t'i përdorësh të 4, çmimi nuk ulet dot më me të njëjtën monedhë, kategori dhe mënyrë tarifimi: ruajtja refuzohet, ngritja lejohet.

• Në ditë

  Zbritje të reja në të gjitha shpalljet e tua bashkë: deri 10 me llogari të zakonshme, 30 me llogari të verifikuar dhe 100 me llogari biznesi. Pa lidhje me zbritjen, një shpallje pranon brenda ditës deri 10 ndryshime çmimi — numërohet edhe ndërrimi i monedhës, i kategorisë ose i mënyrës së tarifimit — dhe deri 20 arkivime, riaktivizime ose shënime si e shitur. Dita është dritare rrëshqitëse, si te kuotat më poshtë.

• Moderimi

  Te llogaria e paverifikuar ulja kalon nga shqyrtimi si çdo ndryshim tjetër: shpallja fshihet deri në aprovim, dhe zbritja shfaqet pasi aprovohet. Zbritja numërohet kur e kërkon; nëse e ndryshon çmimin sërish para aprovimit, ajo humbet dhe nuk të kthehet.

• Sa kohë shfaqet

  Nuk skadon me kohë: shfaqet derisa ta ndryshosh çmimin sërish, ta ndërrosh monedhën, kategorinë ose mënyrën e tarifimit, ta arkivosh a ta shënosh të shitur — riaktivizimi nuk e kthen — ose ta heqë stafi. Sa kohë shpallja mban shenjën «E skaduar», zbritja fshihet dhe kthehet me «Ripërtrij». «Rikthe çmimin e mëparshëm» e kthen çmimin dhe e heq zbritjen, por nuk ta kthen si të papërdorur.

• Renditja dhe njoftimi

  Zbritja nuk e ngre shpalljen te «Më të rejat»; sipas zbritjes renditin vetëm «Zbritja: nga më e madhja» te kërkimi, kur e zgjedh blerësi, dhe faqja «Zbritje», ku zbritja më e madhe del e para pa marrë parasysh paketat. Kur e zbret vetë, afati i shpalljes rinis edhe 60 ditë. Kush e ka ruajtur shpalljen me llogari merr një njoftim brenda platformës, jo me email.

• Stafi

  Stafi mund t'ia zbresë çmimin një shpalljeje, edhe disa njëherësh, ose t'ia heqë zbritjen me «Hiq zbritjen» pa e prekur çmimin. Zbritja e stafit numërohet te të 4 zbritjet e shpalljes dhe nuk ia rinis afatin; për të dyja pronari njoftohet në zile dhe me email, pavarësisht cilësimeve. Çdo ndryshim tjetër i çmimit nga stafi është ndreqje dhe nuk shfaqet si zbritje.