Cookie-t janë skedarë të vegjël që ruhen në shfletuesin tënd. Cookie-t që vendosim ne janë vetëm ato të nevojshme për funksionimin e platformës — një për hyrjen, një për lojën «Gërvish & fito», që lind vetëm kur shtyp «Luaj» dhe loja nis, ose kur del se kjo llogari ose kjo pajisje ka luajtur tashmë në 7 ditët e fundit, dhe një e vetme vetëm për stafin, që vizitori nuk e merr kurrë. Krahas tyre, shfletuesi yt mban edhe një kujtesë lokale që nuk udhëton te ne si shkrim — përveç numrit të rastit të lojës, që niset vetëm bashkë me kërkesën për lojë, kur shtyp «Luaj», dhe ruhet vetëm si hash —, dhe ajo numërohet e plotë më poshtë.
Kjo faqe është inventar, jo premtim: çdo rresht i saj është lexuar nga kodi që publikohet sot. Nëse hap mjetet e zhvilluesit te shfletuesi dhe gjen diçka që nuk është këtu, na e thuaj te faqja e kontaktit (lidhja në fund) — ajo është gabimi ynë.
01Çfarë ka dhe çfarë nuk ka
- Një cookie sesioni për hyrjen, e vendosur nga ne.
- Për lojën «Gërvish & fito», një kujtesë lokale me stickerat që ke gjetur, e shkruar sapo hap faqen e një sticker-i dhe që nuk niset askund; dhe dy numra të rastit që e mbajnë lojën një herë në 7 ditë për pajisje — njëri te kujtesa lokale, që lind kur shtyp «Luaj», tjetri te një cookie që lind vetëm kur shtyp «Luaj» dhe loja nis, ose kur del se kjo llogari ose kjo pajisje ka luajtur tashmë në 7 ditët e fundit. Bashkë me kërkesën për lojë shfletuesi dërgon edhe një hash të disa vetive të tij — jo vetë vetitë.
- Kujtesë lokale te shfletuesi për preferencat dhe kujtesën e pajisjes, që nuk udhëton te ne si shkrim — përveç numrit të rastit të lojës.
- Një kontroll kundër botëve te format e hyrjes, regjistrimit, rikthimit të fjalëkalimit, publikimit si vizitor dhe suportit, i kryer nga një shërbim i palës së tretë.
- Numërimi i vizitave dhe matja e shpejtësisë, të ndezura vetëm nga pëlqimi yt te «Analitikë»: shërbehen nga domeni ynë, nuk vendosin cookie dhe nuk shkruajnë asgjë te pajisja. Politika e sigurisë së faqes vazhdon të mos lejojë asnjë skript nga një domen tjetër përveç atij të kontrollit kundër botëve.
- Ndjekje nëpër faqe të tjera ose profilizim i vizitorit pa llogari.
- Reklama të personalizuara — reklama gjatë shfletimit te Ekrani është e njëjtë për këdo.
- Fonte nga shërbime të jashtme: fontet dhe kodi i faqes shërbehen nga domeni ynë. Kodi i huaj që ekzekutohet janë vetëm dy: kontrolli kundër botëve te format, dhe — vetëm me pëlqimin tënd — numëruesi i vizitave.
Matja e reklamave dhe e kërkimeve në trend bëhet te serveri ynë, me një hash të adresës IP me kripë javore — kurrë adresa vetë, kurrë llogaria, kurrë një cookie e jona. Kur nuk je i kyçur, feed-i «Për ty» merr kujtesën e pajisjes si parametër kërkese dhe serveri vetëm përgjigjet: nuk shkruan asnjë rresht askund.
02Tri kategoritë e pëlqimit
Banderola e pëlqimit thotë: «SuperShpejt përdor cookies thelbësore për funksionimin e faqes dhe, me pëlqimin tënd, matjen e vizitave dhe të shpejtësisë së faqes, dhe reklamën që del gjatë shfletimit te Ekrani — e cila nuk personalizohet.» Tre butonat e saj: «Prano të gjitha», «Vetëm thelbësore» dhe «Konfiguro», ku zgjedh veç e veç.
Thelbësore — gjithmonë aktive
Cookie-ja e hyrjes dhe kujtesa lokale që e bën faqen të përdorshme: pëlqimi yt, të preferuarat pa llogari, drafti, kërkimet e fundit, zëri i Ekranit, kujtesa e lojës «Gërvish & fito» — stickerat që ke gjetur dhe, pas «Luaj», numri i rastit i pajisjes — dhe cookie-ja e lojës, që lind vetëm kur shtyp «Luaj» dhe loja nis, ose kur del se kjo llogari ose kjo pajisje ka luajtur tashmë në 7 ditët e fundit. Nuk fiket, sepse pa to nuk hyn dot, nuk publikon dot dhe loja nuk e mban dot kufirin e saj.
Analitikë — vizitat dhe shpejtësia
Ndez dy matje të Vercel-it, shërbimit që e mban faqen: sa herë hapet një faqe, dhe sa shpejt ngarkohet ajo te pajisja jote — koha deri te fotoja kryesore, sa lëviz faqja gjatë ngarkimit, sa shpejt përgjigjet te prekja. Matja e shpejtësisë dërgon edhe një shenjë të elementit më të ngadaltë, si «img» a «div.karta»: strukturë faqeje, jo përmbajtje. Pa këtë pëlqim skripti nuk ngarkohet fare; kur e tërheq, matja ndalet në çast, pa ringarkim. Shkon adresa e faqes pa vargun e pyetjes — kurrë teksti i kërkimit —, lloji i lidhjes së rrjetit (p.sh. «4g»), dhe faqja nga erdhe nëse ishte e jashtme, ashtu siç e dërgon ajo faqe. Faqet e llogarisë numërohen si faqe, por pa identifikues: te një bisedë e caktuar matja mban «/mesazhet/[id]», kurrë numri i saj, dhe paneli i stafit rri krejt jashtë. Një kufi që kodi ynë nuk e mbyll dot: si te çdo kërkesë brenda faqes, shfletuesi i vë kërkesës së matjes te header-i «Referer» adresën e plotë ku je, me gjithë kërkimin a numrin e bisedës — adresë që Vercel-i, si hostues, e sheh gjithsesi kur hapet faqja. Pa cookie dhe pa asgjë të shkruar te pajisja. Rreshtat e numëruar para se ta tërheqësh rrinë te Vercel-i dhe nuk i fshijmë dot ne; prandaj porta rri para tyre, jo pas.
Marketing — reklama gjatë shfletimit
Porton reklamën që del gjatë shfletimit te Ekrani, e cila nuk personalizohet. Pa këtë pëlqim ajo nuk hapet fare. Kur e refuzon, numëruesi i saj te pajisja fshihet — bashkë me listën e reklamave që ke mbyllur. Kur është e ndezur, ritmi është një herë në 10 faqe, jo më shpesh se çdo 30 minuta, maksimum 3 herë në ditë, dhe një reklamë e kaluar nuk kthehet për 24 orë.
03Inventari i plotë
Dy tabela: cookie-t, që shfletuesi ia dërgon serverit tonë me çdo kërkesë, dhe ruajtja lokale, që nuk i dërgohet askujt — përveç numrit të rastit të lojës «Gërvish & fito», që niset vetëm bashkë me kërkesën për lojë. Emrat janë ata që sheh te mjetet e zhvilluesit: çdo çelës i ruajtjes lokale mban prefiksin «supershpejt:» — dhe kujtesa e aplikacionit të instaluar (Cache Storage) prefiksin «supershpejt-» — kurse cookie-t e sesionit mbajnë emrin që u jep shërbimi ynë i hyrjes — prej andej edhe prefiksi i tyre i shkurtër.
Rrëshqit anash
| Emri | Lloji | Kush e vendos | Qëllimi | Zgjat | Pëlqimi |
|---|---|---|---|---|---|
| sb-auth-auth-token (dhe copat .0, .1 kur vlera është e gjatë) | Cookie | SuperShpejt (sistemi i hyrjes) | Të mban të kyçur ndërsa lëviz nëpër faqe. Vendoset me SameSite=Lax, që të mos dërgohet nga faqe të huaja, dhe me Secure, që të mos udhëtojë kurrë mbi një lidhje të pashifruar. | Deri në 400 ditë; rifreskohet me çdo vizitë. Dalja e fshin. | Thelbësore |
| sb-auth-auth-token-code-verifier | Cookie | SuperShpejt (sistemi i hyrjes) | Vetëm gjatë hyrjes: lidh fillimin e hyrjes me përfundimin e saj (PKCE). | Hiqet sapo hyrja përfundon. | Thelbësore |
| __Host-supershpejt-loja | Cookie (vetëm te loja) | SuperShpejt | Një numër i rastit i lojës «Gërvish & fito», që e njëjta pajisje të luajë një herë në 7 ditë, edhe kur ndërron llogarinë. Lind vetëm kur shtyp «Luaj» dhe loja nis, ose kur del se kjo llogari ose kjo pajisje ka luajtur tashmë në 7 ditët e fundit; kur loja të refuzon për një arsye tjetër, nuk lind. Te ne ruhet vetëm si hash, bashkë me lojën, dhe fshihet pas 30 ditësh. HttpOnly: kodi i faqes nuk e lexon dot; prefiksi __Host- do të thotë se shfletuesi e pranon vetëm nga kjo faqe, vetëm me Secure dhe pa u ndarë me asnjë nën-domen. | 365 ditë. Dalja nga llogaria nuk e fshin, me qëllim: përndryshe «dil, hyr me llogari tjetër, luaj sërish» do të ishte rrugë e hapur. | Thelbësore |
| __Host-supershpejt-imp-origin | Cookie (vetëm stafi) | SuperShpejt | Bileta e kthimit kur një administrator shfleton si dikush tjetër për moderim. Vizitori nuk e merr kurrë. Prefiksi __Host- do të thotë se shfletuesi e pranon vetëm nga kjo faqe, vetëm me Secure dhe pa u ndarë me asnjë nën-domen. Emri i mëparshëm, supershpejt-imp-origin, kalon te ky ose fshihet vetë. | 400 ditë; vetë shfletimi si tjetri mbyllet pas 4 orësh. | Thelbësore |
Rrëshqit anash
| Emri | Kush e vendos | Qëllimi | Zgjat | Pëlqimi |
|---|---|---|---|---|
| supershpejt:cookie-consent | Banderola e pëlqimit | Zgjedhja jote për Analitikë dhe Marketing, me datën kur e dhe. | Pa skadim; «Menaxho cookies» e rikthen. | Thelbësore |
| supershpejt:favorites | Butoni «zemër», kur nuk je i kyçur | Shpalljet e ruajtura pa llogari. | Derisa të hysh: kalojnë te llogaria dhe çelësi fshihet. | Thelbësore |
| supershpejt:seen | Faqja e shpalljes, kur nuk je i kyçur | Deri në 24 shpallje të fundit që ke hapur, me çastin — ushqejnë «Për ty» pa llogari. Udhëtojnë vetëm si parametër kërkese; serveri nuk i ruan. Te pajisja vendosin edhe nëse të del ftesa «… shpallje të tjera» te faqja e shpalljes: ajo nuk del kur ke hapur më parë të paktën 3 shpallje të tjera. | Unazë prej 24 hyrjesh; fshihet te hyrja dhe te dalja. | Thelbësore |
| supershpejt:recent-searches | Kutia e kërkimit | Deri në 6 terma të fundit që ke kërkuar. Udhëtojnë vetëm si parametër kërkese te «Për ty»; serveri nuk i ruan. | 6 hyrje; pa skadim. Fshihet vetëm nga shfletuesi (të dhënat e faqes). | Thelbësore |
| supershpejt:draft-listing | Forma «Shto shpallje» | Drafti i shpalljes që po shkruan (pa fotot), që të mos humbasë nëse shkëputesh. Përmban qytetin dhe telefonin që ke shtypur. | 7 ditë; fshihet te publikimi dhe te dalja. | Thelbësore |
| supershpejt:price-checks | Karta «Vlerëso çmimin», kur është aktive | Verdiktet e vlerësimit të çmimit që ke kërkuar, që të mos shpenzosh një njësi për të njëjtën shpallje. | 60 ditë për hyrje; deri në 12 hyrje. | Thelbësore |
| supershpejt:ekrani-zeri | Luajtësi i Ekranit | Nëse e ke ndezur zërin. Në fillim është gjithmonë i fikur. | Pa skadim. | Thelbësore |
| supershpejt:faq-helpful | «Ishte e dobishme?» te pyetjet e shpeshta | Cilave pyetje u the «Po» ose «Jo», që të mos të ripyesim. Nuk niset askund — s'ka numërim te serveri. | Pa skadim. | Thelbësore |
| supershpejt:install-prompt | Ftesa «Instalo aplikacionin» | Kur e mbylle ftesën dhe sa herë — ose që e instalove — që të mos të ripyesim çdo herë. Vetëm një datë dhe një numër; nuk niset askund. | Pa skadim. Pas mbylljes ftesa hesht 30 ditë, pas të dytës 90, pas të tretës nuk kthehet më. | Thelbësore |
| supershpejt:mireseardhja | Fleta «Mirë se erdhe» te kryefaqja, kur nuk je i kyçur | Që e ke parë fletën e mirëseardhjes, çfarë zgjodhe («Dua të shes», «Dua të blej» ose «Më vonë») dhe kur — që fleta të mos dalë sërish. Vetëm një zgjedhje dhe një datë; nuk niset askund. | Pa skadim. Fleta del vetëm një herë. | Thelbësore |
| supershpejt:mireseardhja-treguesi | Treguesi «Kur të duash të shesësh, shtyp këtu» te kryefaqja, kur s'ke ende asnjë shpallje | Që treguesi mbi butonin «+» të është treguar në këtë vizitë. Mban vetëm «vizitor», ose çastin kur hyre së fundi në llogari; nuk niset askund. | Sa skeda e shfletuesit (sessionStorage, jo localStorage). Treguesi del sërish në një vizitë të re ose pas një hyrjeje të re, derisa të kesh shpalljen e parë. | Thelbësore |
| supershpejt:ftesa-kategorise | Ftesa «… shpallje të tjera» te faqja e shpalljes, kur nuk je i kyçur | Që ftesa drejt shpalljeve të tjera të së njëjtës kategori të është treguar te kjo pajisje, dhe kur — që të mos dalë sërish. Vetëm një datë: as kategoria, as shpallja, as nëse e hape; nuk niset askund. | Pa skadim. Ftesa del vetëm një herë. | Thelbësore |
| supershpejt:loja | Faqja e lojës «Gërvish & fito», ku të çojnë stickerat me kod QR — për këdo, edhe pa llogari | Cilët nga 6 stickerat ke gjetur me këtë pajisje: shënohet sapo hap faqen e një sticker-i, edhe pa llogari, dhe nuk niset askund. Kur shtyp «Luaj», këtu lind edhe një numër i rastit i pajisjes — i dyti, pranë cookie-s së lojës —, që niset vetëm bashkë me kërkesën për lojë dhe te ne ruhet vetëm si hash, bashkë me lojën, për 30 ditë. | Pa skadim. Dalja nga llogaria nuk e fshin, me qëllim — si cookie-n e lojës. | Thelbësore |
| supershpejt-offline-v1 (Cache Storage) | Aplikacioni i instaluar — jo shfletuesi | Faqja «S'ka lidhje», që aplikacioni ta tregojë kur je pa internet. Një skedar i vetëm, i njëjtë për këdo: asnjë faqe e jotja dhe asgjë për ty. Pranë saj shfletuesi mban regjistrimin e punëtorit që e shërben. | Derisa të fshish të dhënat e faqes. Në iPhone ikën bashkë me aplikacionin; në Android dhe në kompjuter mbetet edhe pas çinstalimit. Rifreskohet kur ndryshon vetë faqja, jo me çdo publikim. | Thelbësore |
| supershpejt:app-session | Aplikacioni i instaluar në iPhone | Kur u hap aplikacioni për herë të parë. Hyrja që iPhone-i kopjon nga Safari ndahet atëherë, një herë, në një hyrje të vetën të aplikacionit — që rifreskimi i njërës të mos e mbyllë edhe tjetrën. Vetëm një datë. | Sa kohë ekziston aplikacioni. | Thelbësore |
| supershpejt:ekrani-ritmi | Reklama gjatë shfletimit te Ekrani | Sa faqe ke kaluar, kur u hap së fundi reklama dhe sa herë sot — që ajo të dalë rrallë. Vetëm numra. | Pa skadim; fshihet kur refuzon «Marketing» ose rivendos pëlqimin. | Marketing |
| supershpejt:ekrani-kaluara | Reklama gjatë shfletimit te Ekrani | Kodet e reklamave që ke mbyllur vetë, që të mos kthehen. Kodi identifikon reklamën, kurrë ty. | 24 orë për hyrje; fshihet bashkë me numëruesin. | Marketing |
| supershpejt:viewed:<id-shpalljeje> | Faqja e shpalljes | Që një shikim të numërohet një herë për skedë, jo në çdo rifreskim. | Sa skeda e shfletuesit (sessionStorage, jo localStorage). | Thelbësore |
| supershpejt:intent | Dritarja e hyrjes, kur e hap një buton që kërkon llogari | Cilin buton shtype para se të të dilte dritarja e hyrjes, që pas hyrjes ta vazhdojmë vetë: «Dërgo mesazh» hap bisedën, «Vlerëso me AI» nis vlerësimin, «Ndiq» e ndjek biznesin, «Shfaq numrin» e shfaq numrin e shitësit dhe «Luaj» te loja «Gërvish & fito» e nis lojën, me të njëjtat kushte si vetë butoni; «Raporto shpalljen», «Ruaje kërkimin» dhe kërkimi me AI vetëm rihapin dritaren e tyre — asgjë nuk dërgohet e nuk ruhet vetë. Mban emrin e veprimit dhe adresën e faqes, asgjë tjetër: as tekstin që ke shkruar. | Sa skeda e shfletuesit, dhe vlen më së shumti 30 minuta (sessionStorage, jo localStorage). Fshihet sapo përdoret, kur e mbyll dritaren e hyrjes pa hyrë, ose kur faqja hapet sërish pa hyrje (p.sh. u ktheve nga Google pa e mbaruar). | Thelbësore |
Ruajtja lokale e shfletuesit përdoret pra për zgjedhjen tënde te cookie-t, për ndezjen e zërit te Ekrani, për të preferuarat kur nuk je i kyçur, për kërkimet e fundit, për draftin e shpalljes që po shkruan, për verdiktet e vlerësimit të çmimit, për ftesën e instalimit të aplikacionit, për dy ftesat e vizitës së parë — fletën e mirëseardhjes te kryefaqja dhe ftesën «… shpallje të tjera» te faqja e shpalljes —, për lojën «Gërvish & fito» — stickerat që ke gjetur dhe numri i rastit i pajisjes —, dhe për reklamën që del gjatë shfletimit te Ekrani. Brenda aplikacionit të instaluar ruhet edhe faqja «S'ka lidhje», dhe në iPhone çasti kur u hap për herë të parë. Këto të dhëna nuk dërgohen te serveri si shkrim, përveç numrit të rastit të lojës, që niset vetëm bashkë me kërkesën për lojë dhe ruhet vetëm si hash. Nëse shfletuesi e bllokon ruajtjen lokale — për shembull në modalitet privat — faqja punon njësoj: kujtesa thjesht nuk mbetet, dhe reklama del më rrallë, kurrë më shpesh.
04Reklama gjatë shfletimit
Kur ke dhënë pëlqimin «Marketing», shfletuesi mban dy gjëra te vetë pajisja — edhe kur vetë reklama është e fikur nga ne: një numërues — sa faqe ke kaluar, kur u hap së fundi dhe sa herë sot, që ajo të dalë rrallë dhe të mos përsëritet — dhe listën e reklamave që ke mbyllur vetë, që secila të mos kthehet për 24 orë.
- Numëruesi nuk mban asnjë identifikues, asnjë rrugë faqeje dhe asnjë tekst — vetëm numra.
- Lista e reklamave të kaluara mban kodin e reklamës, kurrë tëndin: kodi identifikon reklamën, jo ty.
- Asnjëra nuk niset te serveri. Cila reklamë të shfaqet vendoset te shfletuesi, mbi një listë që serveri e kthen njësoj për këdo; kërkesa për atë listë shkon pa faqen ku ndodheshe.
- Fikja e «Marketing» i fshin të dy çelësat. Një ndërrues që e ndal shkrimin dhe i lë rreshtat aty do të ishte kontroll i rremë.
Ajo që matet për reklamuesin — shfaqjet dhe klikimet — matet te serveri me hash të adresës IP me kripë javore, kurrë me një cookie. Rregullat e plota rrinë te faqja «Rregullat e reklamave» (lidhja në fund).
05Palët e treta
Kodi i huaj që ekzekutohet te faqja janë vetëm tre. I pari është kontrolli kundër botëve: te format e hyrjes, regjistrimit, rikthimit të fjalëkalimit, publikimit si vizitor dhe suportit ngarkohet një kontroll i kryer nga një shërbim i palës së tretë, si kornizë nga një origjinë tjetër. Format e hyrjes janë edhe te dritarja që del mbi faqe kur një veprim kërkon llogari, dhe aty skripti i kontrollit ngarkohet sapo hapet dritarja, para se të zgjedhësh si të hysh. Dy të tjerët ngarkohen vetëm me pëlqimin tënd te «Analitikë»: numëruesi i vizitave dhe matësi i shpejtësisë, të dy të Vercel-it dhe të dy të shërbyer nga domeni ynë. Prandaj politika e sigurisë së faqes vazhdon të mos lejojë asnjë skript nga një origjinë tjetër përveç asaj të kontrollit kundër botëve.
- Te format e llogarisë, token-in e kontrollit e verifikon shërbimi ynë i hyrjes; te tiketat e suportit e verifikon serveri ynë, dhe adresa IP e vizitorit i dërgohet shërbimit që e kryen kontrollin, si pjesë e verifikimit.
- Çfarë ruan ai shërbim kontrolli brenda kornizës së vet e rregullon politika e tij, jo kjo faqe.
- Nëse kontrolli nuk kryhet dot — sepse skripti nuk ngarkohet, për shembull nga një bllokues ose nga rrjeti, ose sepse vetë kontrolli e refuzon faqen — butoni i dërgimit mbetet i çaktivizuar, dhe poshtë tij del një shpjegim sipas shkakut, me çfarë të provosh. Hyrja dhe regjistrimi me Google a Facebook nuk kalojnë nga ai kontroll, ndaj mbeten të hapura edhe atëherë; rikthimi i fjalëkalimit, publikimi si vizitor dhe tiketa e suportit jo.
Sesionin e hyrjes e mban shërbimi i palës së tretë ku rrinë llogaritë; cookie-ja e sesionit vendoset në domenin tonë. Fontet, kodi i faqes dhe logot e markave te zgjedhësi i veturave shërbehen nga domeni ynë — gjatë vizitës nuk shkon asnjë kërkesë te shërbime fontesh të jashtme.
06Si i kontrollon
«Menaxho cookies»
Butoni rri te kjo faqe dhe te fundi i çdo faqeje publike. E rikthen banderolën e pëlqimit dhe fshin menjëherë numëruesin e reklamës te pajisja. Zgjedhjen e ndryshon kurdo, sa herë të duash.Cilësimet e shfletuesit
Cookie-t dhe ruajtjen lokale i fshin nga «të dhënat e faqes» për supershpejt.com. Kujdes: te disa shfletues «fshi cookie-t» nuk e prek ruajtjen lokale — kërko «të dhënat e faqes» ose «ruajtja». Bllokimi i cookie-ve të sesionit do të thotë se nuk do të mund të hysh në llogari.Dalja nga llogaria
Fshin cookie-n e sesionit dhe, veç saj, draftin e shpalljes dhe historinë e pajisjes — që në një pajisje të përbashkët të mos i lexojë tjetri. Cookie-n dhe kujtesën e lojës «Gërvish & fito» nuk i fshin, me qëllim: ato e mbajnë lojën një herë në 7 ditë për pajisje, edhe kur hyn me llogari tjetër. Mbyll vetëm pajisjen ku je; pajisjet e tjera ku je i kyçur i nxjerr te «Siguria e llogarisë».
- Chrome dhe Edge
- Cilësimet → Privatësia dhe siguria → Cilësimet e faqeve → Shiko lejet dhe të dhënat e ruajtura nëpër faqe, kërko «supershpejt» dhe fshij.
- Firefox
- Cilësimet → Privatësia dhe siguria → Cookies dhe të dhënat e faqeve → Menaxho të dhënat, kërko «supershpejt» dhe hiq.
- Safari
- Cilësimet → Privatësia → Menaxho të dhënat e faqeve të internetit, kërko «supershpejt» dhe hiq. Në iPhone: Cilësimet → Safari → Të përparuara → Të dhënat e faqeve.