Pyetje të shpeshta

Te faqja e regjistrimit duhen katër gjëra: emri yt i plotë (2–60 shkronja), email-i, fjalëkalimi i shkruar dy herë dhe shenja te «Pranoj kushtet e përdorimit» — pa të, forma nuk dërgohet dhe poshtë kutisë del «Duhet të pranosh kushtet e përdorimit». Butoni «Krijo llogarinë» rri i çaktivizuar vetëm derisa të kalojë kontrolli kundër botëve poshtë formës.

Alternativa më e shpejtë është «Vazhdo me Google» ose «Vazhdo me Facebook» — të njëjtat butona gjenden edhe te faqja e hyrjes. Aty nuk ka kuti për t'u shënuar: duke shtypur njërin prej tyre pranon kushtet e përdorimit dhe politikën e privatësisë.

Së paku 8 karaktere (dhe jo më shumë se 72), me të paktën një shkronjë dhe një numër. Shkronjat e mëdha ose simbolet nuk janë të detyrueshme — treguesi i fortësisë poshtë fushës është vetëm këshillues.

Fjalëkalimi kontrollohet edhe kundrejt rrjedhjeve publike të të dhënave. Nëse ai që zgjodhe është gjetur te ndonjë prej tyre, nuk pranohet — edhe nëse duket i fortë. Kjo vlen si te regjistrimi, ashtu edhe kur e ndryshon më vonë.

Sepse email-i duhet konfirmuar. Pas regjistrimit del ekrani «Kontrollo email-in» dhe llogaria hapet vetëm kur shtyp lidhjen që të dërgojmë. Nëse nuk e sheh mesazhin brenda pak minutash, shiko dosjen Spam.

Te faqja e hyrjes zgjidh «Me lidhje» në vend të «Me fjalëkalim», shkruaj email-in dhe shtyp «Dërgo lidhjen e hyrjes». Të vjen një email me një lidhje; e klikon dhe je brenda — pa fjalëkalim fare.

Nëse adresa s'ka ende llogari, ajo krijohet vetvetiu në çastin që klikon lidhjen — e njëjta rrugë si «Vazhdo si guest» te shpallja. Lidhja vlen një herë të vetme; nëse e ke përdorur ose ka skaduar, faqja e hyrjes ta thotë dhe kërkon një të re.

Po. Te faqja e shpalljes zgjidh «Vazhdo si guest», shkruaj email-in (emri është opsional) dhe shtyp «Dërgo lidhjen e verifikimit». Kjo lidhje krijon një llogari të vërtetë dhe të kthen te formulari; drafti që kishe nisur ruhet te pajisja jote.

Llogaritë e hapura kështu nuk kanë fjalëkalim — as ato të hapura me Google ose Facebook. Për t'i vënë një, shtyp «E harrove?» pranë fushës së fjalëkalimit te faqja e hyrjes dhe ndiq lidhjen që të vjen.

Përmes lidhjes «E harrove?» te faqja e hyrjes. Shkruan email-in, merr një lidhje dhe cakton fjalëkalimin e ri — rregullat janë të njëjtat si te regjistrimi.

Te Profili → Cilësimet. Lejohen 3–24 karaktere, vetëm shkronja të vogla, numra, pikë dhe nënvizë — pa hapësira, pa shkronja të mëdha dhe pa vizë. Ruajtja dështon me njoftim të qartë kur emri është i zënë («Ky emër përdoruesi është i zënë»), kur është i rezervuar për llogaritë zyrtare, ose kur e ka lëshuar dikush tjetër brenda 90 ditëve të fundit.

Ndryshimi i parë bëhet menjëherë. Pas tij hyn një pritje që zgjatet me çdo ndryshim: 7 ditë pas të parit, 14 pas të dytit, 21 pas të tretit — një javë më shumë për çdo ndryshim që ke bërë brenda 365 ditëve të fundit. Tavani është 5 ndryshime në 365 ditë.

Nuk ke pse t'i mbash mend: nën fushën «Emri i përdoruesit» te Cilësimet shkruhet gjithmonë sa do të presësh pas ndryshimit të radhës, dhe kur je në pritje, fusha bëhet vetëm për lexim me datën kur hapet sërish.

«Ky emër përdoruesi është i rezervuar» del për emra që ngatërrohen me llogari zyrtare: stafi dhe suporti, marka dhe faqet e platformës, institucione, dhe terma teknike si «admin» ose «noreply». Kontrolli i sheh edhe variantet — «adm1n», «a.d.m.i.n» ose «admin1» ndalen njësoj. Forma ta thotë sapo e shkruan, para se të shtypësh «Ruaj ndryshimet».

«Ky emër është ende i mbajtur» do të thotë se dikush tjetër e la atë emër brenda 90 ditëve të fundit. Emri i lëshuar rri i rezervuar për ish-pronarin 90 ditë, që askush të mos e zërë identitetin e një shitësi të njohur ditën pas riemërtimit — bashkë me lidhjet e vjetra që çojnë tek ai.

Gjenerohet në çastin e regjistrimit nga pjesa e email-it para shenjës @ — mbahen vetëm shkronjat e vogla, numrat, pika dhe nënviza, deri në 15 shenja — plus një nënvizë dhe gjashtë shenja të identifikuesit tënd. Kur ajo pjesë është shumë e shkurtër ose përkon me një emër të rezervuar (p.sh. info@ ose admin@), emri fillon me «anetar_». Ndryshoje te Cilësimet: ndryshimi i parë është i menjëhershëm.

Fusha «Telefoni» ka dy pjesë: zgjedhësin e prefiksit (me flamur) dhe numrin. Parazgjedhja është +383 Kosovë; në listë janë rajoni dhe diaspora, plus rreshti «Tjetër», ku shkruan vetë kodin e shtetit bashkë me numrin.

Numrin e shkruan pa zeron e parë — «44 123 456», jo «044 123 456»; nëse e shkruan zeron, hiqet vetë. Nëse ngjit një numër të plotë ndërkombëtar, fusha e njeh dhe e ndërron prefiksin vetë. Ruhet gjithmonë në formën ndërkombëtare dhe shfaqet i ndarë në grupe.

Te Profili → Cilësimet, me «Ndrysho foton» ose «Hiq foton». Fotoja ruhet menjëherë, pa shtypur «Ruaj ndryshimet»; kthehet automatikisht në WebP dhe zvogëlohet para se të ngarkohet. Pa foto shfaqen inicialet e tua.

• «Emri i plotë» — i detyrueshëm, 2–60 shenja.
• «Emri i përdoruesit» — i detyrueshëm; adresa e profilit tënd shfaqet poshtë fushës.
• «Telefoni» — opsional, me prefiks shteti.
• «Qyteti» — një nga komunat e listës, opsional.
• «Rreth teje» — deri 400 shenja; del te profili publik.
• «Njoftime me email» — ndërruesi i emaileve jo-kritike.
• «Emri i biznesit» — vetëm kur llogaria është biznes i aprovuar; përndryshe aty rri lidhja «Apliko si biznes».

Butoni «Ruaj ndryshimet» rri i çaktivizuar derisa të ndryshosh diçka. Kur shtyp dhe nuk ruhet, gabimi shkruhet poshtë fushës përkatëse: emri i plotë bosh, emër përdoruesi me shkronja të mëdha a me hapësira, numër me gjatësi të gabuar, ose emër i rezervuar. Kur gjithçka kalon, del «Cilësimet u ruajtën».

Jo vetë — ndryshimi bëhet nga ekipi. Hap një tiketë ndihme nga llogaria jote aktuale dhe shkruaj adresën e re.

Hap menunë e llogarisë — fotoja ose inicialet lart djathtas — dhe zgjidh «Dil». Të kthejmë te kryefaqja me njoftimin «Dole nga llogaria».

Dalja e pastron nga kjo pajisje edhe draftin e shpalljes që po shkruaje edhe kujtesën e shpalljeve që ke hapur, që në një kompjuter të përbashkët personi tjetër të mos i gjejë.

Kërkoje me një tiketë ndihme. Fshirja heq bashkë me llogarinë profilin, shpalljet, bisedat, të preferuarat, kërkimet e ruajtura, kërkesat, historinë, aplikimet dhe vlerësimet që ke dhënë e marrë — prandaj nuk e kemi vënë si buton të vetëshërbimit.

Jo. Numri që ruan te Cilësimet nuk shfaqet askund te profili publik — përdoret vetëm për të parambushur fushën e kontaktit kur shpall diçka të re.

Kur diçka shkon keq, të kthejmë te faqja e hyrjes me një nga këto: «Lidhja ka skaduar ose është përdorur. Kërko një të re më poshtë.» — lidhjet e hyrjes, të konfirmimit dhe të rivendosjes vlejnë një herë të vetme; ose «Lidhja s'ishte e plotë. Hape sërish nga email-i.» — klienti i postës e ka prerë adresën. Në të dyja rastet kërko një lidhje të re nga e njëjta formë.

Lidhjen mund ta hapësh edhe në një pajisje tjetër nga ajo ku e kërkove — e kërkon nga kompjuteri dhe e hap nga telefoni.

Asgjë. Shpallja është falas dhe nuk marrim komision mbi shitjen. Me pagesë janë vetëm paketat e promovimit të shpalljes dhe reklamat te Ekrani — të dyja opsionale, i zgjedh vetë kur do më shumë dukshmëri.

Në pesë hapa: Kategoria → Detajet → Fotot → Çmimi → Kontakti. Çdo hap kontrollohet para se të kalosh te tjetri, ndërsa kthimi pas është gjithmonë i lirë. Në fund del një përmbledhje me kategorinë, titullin, çmimin, numrin e fotove dhe qytetin.

• Titulli — 6 deri 120 karaktere.
• Përshkrimi — 20 deri 8000 karaktere.
• Nënkategoria — kategoria kryesore nuk mjafton.
• Lloji i çmimit, monedha dhe çmimi (përveç «Falas» dhe «Me marrëveshje»).
• Qyteti — nga lista e 38 komunave të Kosovës.

Gjendja, sipërfaqja, telefoni, fotot dhe të gjitha fushat e veçanta të kategorisë janë opsionale.

Deri në 12 për shpallje. Çdo foto zvogëlohet dhe kthehet në WebP brenda shfletuesit tënd para se të niset, kështu që ngarkimi mbetet i shpejtë edhe me internet të dobët. Fotot burimore mbi 15 MB refuzohen.

Fotoja e parë bëhet kopertina. Gjatë plotësimit mund t'i tërheqësh për t'i rirenditur ose të shtypësh yllin për ta çuar një foto në krye.

• Çmim fiks — shifra që kërkon.
• I diskutueshëm — pranon negociata.
• Falas — ruhet si 0 dhe shfaqet «Falas».
• Me marrëveshje — çmimi nuk shfaqet fare.

Monedhat e mbështetura janë euro (parazgjedhur), dollari dhe franga zvicerane.

Siç e thua vetë. Te fushat e tokës — «Sipërfaqja» te Toka & Troje dhe te Lokale & Zyra, «Sipërfaqja e tokës / oborrit» te Shtëpi & Vila në shitje, «Sipërfaqja e oborrit» te Shtëpi me qira, «Sipërfaqja e mbuluar» te Serra & Sisteme ujitjeje dhe «Sipërfaqja minimale» te Shërbime bujqësore — pranë numrit ka një zgjedhës me «m²», «ari» dhe «hektarë». Parazgjedhja është ari kudo, përveç te Lokale & Zyra, ku është m². Banesat maten vetëm me m².

• 1 ari = 100 m², 1 hektar = 10 000 m² — konvertimi bëhet vetë.
• Nëse ndërron njësinë pasi ke shkruar numrin, sipërfaqja mbetet e njëjta: 500 m² bëhet «5 ari», jo «500 ari».
• Dhjetoret shkruhen me presje: «2,5 ari».
• Te shpallja sipërfaqja shfaqet me njësinë që zgjodhe ti.

Janë fushat që dalin te hapi «Detajet» sapo zgjedh nënkategorinë, nën titullin «Detaje shtesë për këtë kategori» — viti, kilometrazhi, dhomat, sipërfaqja, memoria e të tjera. Të gjitha janë opsionale: shpallja publikohet edhe pa to, por blerësit filtrojnë pikërisht mbi to, ndaj sa më shumë plotëson, aq më lehtë të gjejnë.

• Numrat kanë kufij — «Viti i prodhimit» nuk pranohet në të ardhmen, «Kati» nga -2 deri 60, «Tualete» deri 10.
• Te «Makina», «Motocikleta & Skuter», «Kamionë & Furgonë», «Makineri bujqësore» dhe «Traktorë & Makineri bujqësore» marka dhe modeli zgjidhen nga lista të lidhura — ose i shkruan vetë kur mungojnë.
• Te faqja e shpalljes shfaqen vetëm fushat që ke plotësuar, te seksioni «Detajet».

Ruhet vetvetiu ndërsa shkruan — por vetëm te ky shfletues, te kjo pajisje. Kur hap sërish «Shto shpallje» brenda 7 ditësh, forma mbushet me atë që kishe dhe del njoftimi «U rikthye drafti i mëparshëm». Pas 7 ditësh drafti hidhet, që të mos rikthehet në qershor një çmim i janarit.

• Fotot nuk ruhen te drafti — shtoji sërish para se të publikosh.
• Drafti fshihet sapo shpallja publikohet, dhe sapo del nga llogaria.
• Ndryshimi i një shpalljeje ekzistuese nuk ruan draft; aty ruan ose humb.

Dritarja është rrëshqitëse — llogaritet nga çasti i çdo publikimi, jo nga mesnata.

Shpalljet e llogarive të paverifikuara kalojnë nga moderimi para se të dalin publike. Derisa stafi ta aprovojë, shpalljen e sheh vetëm ti, te Profili → Shpalljet e mia.

Llogaritë e verifikuara dhe ato të biznesit publikojnë drejtpërdrejt, pa pritje.

• Në pritje — po pret moderimin.
• Aktive — e dukshme për të gjithë.
• E shitur — mbetet e dukshme, me shenjë dhe në fund të rezultateve.
• E refuzuar — shkel ndonjë rregull publikimi.
• E arkivuar — e hequr nga ti, nga moderimi, ose vetvetiu kur llogaria bllokohet.

Sa të duash — nuk hiqet kurrë vetvetiu nga lista. Por pas 60 ditësh pa e prekur, merr shenjën «E skaduar»: fotoja del e hijezuar te rezultatet dhe brenda shpalljes blerësit i shfaqet një lajmërim se sendi mund të jetë shitur pa e konfirmuar askush.

Shenja bie sapo ta konfirmosh vetë: zgjidh «Rifresko» te menyja me tre pika, ose thjesht ndryshoje shpalljen. Në të dyja rastet afati rinis edhe 60 ditë.

Nuk ke pse ta mbash mend afatin: shtatë ditë para skadimit merr njoftimin «Shpallja skadon së shpejti», me datën, dhe ditën e skadimit «Shpallja u shënua e skaduar» — të dyja edhe me email, nëse e ke lënë ndezur «Njoftime me email» te cilësimet.

Të gjitha nga Profili → Shpalljet e mia → menyja me tre pika te shpallja përkatëse. Menyja tregon vetëm veprimet që kanë kuptim për atë shpallje:

• «Ndrysho» — gjithmonë.
• «Shënoje si të shitur» — te shpalljet aktive.
• «Riaktivizo» — te të shiturat, të arkivuarat dhe të refuzuarat.
• «Arkivo» — te çdo gjë përveç të arkivuarave.
• «Rifresko» — vetëm kur shpallja mban shenjën «E skaduar».
• «Promovo», ose «Ngri në Ultra» kur shpallja është tashmë Premium.
• «Hiq promovimin» — kur shpallja ka nivel.
• «Fshi përgjithmonë» — gjithmonë.

Sepse një vlerësim është fjala e një personi tjetër, jo e jotja. Po të fshihej shpallja, do të zhdukej edhe vlerësimi dhe mesatarja jote do të pastrohej me tri klikime — dhe kush e shkroi do të mbetej pa të drejtë të të vlerësonte sërish për gjashtë muaj. Prandaj «Fshi përgjithmonë» kthen «Fshirja dështoi» me shpjegimin se shpallja ka vlerësime dhe nuk fshihet.

Rruga e daljes është «Arkivo»: shpallja del nga listimet publike, asnjë vlerësim nuk preket, dhe bisedat mbeten aty ku ishin. Nëse më vonë do ta shesësh sërish, «Riaktivizo» — me llogari të paverifikuar riaktivizimi kalon sërish nga moderimi, dhe po ashtu nëse shpallja mban ende një shënim moderimi.

Sepse llogaria jote nuk është ende e verifikuar. Kthimi i një shpalljeje të arkivuar ose të refuzuar në gjendje publike kalon sërish nga moderimi. Përjashtim bën një shpallje e shënuar «E shitur»: ajo kthehet menjëherë në aktive.

Me llogari të verifikuar ose biznesi, riaktivizimi është i menjëhershëm — me një përjashtim: nëse shpallja mban ende një shënim moderimi, sepse stafi e kishte refuzuar ose e kishte hequr pas një raportimi, ajo rikalon nga shqyrtimi edhe pasi ta kesh arkivuar. Shënimin e sheh te vetë shpallja, dhe ai hiqet sapo stafi ta aprovojë.

Varet nga llogaria. Me llogari të verifikuar ose biznesi — jo: shpallja mbetet aktive pas ndryshimit dhe mund të ndryshosh gjithçka, përfshirë kategorinë.

Me llogari të paverifikuar — po, sa herë e ndryshon: çdo ndryshim i përmbajtjes (titulli, përshkrimi, çmimi, kategoria, vendndodhja, numri i kontaktit, edhe një foto e re) e kthen shpalljen te radha e moderimit, dhe ajo del nga listimet publike derisa të shqyrtohet. Forma të paralajmëron para ruajtjes. Aprovimi vlen për atë që pa stafi, jo për ndryshimin që vjen pas tij.

Teknikisht forma nuk e ndalon, por rregullat po: dublikatët hiqen dhe përsëritja sjell vërejtje. Blerësit e raportojnë me arsyen «Dublikat i një shpalljeje tjetër», stafi e refuzon kopjen dhe mund të japë vërejtjen «Shpallje dublikate».

Nëse qëllimi është ta ngresh shpalljen më lart, rruga e ndershme është një e vetme: «Arkivo» dhe pastaj «Riaktivizo» te Shpalljet e mia — riaktivizimi e ngre te «Më të rejat» dhe rinis afatin. «Rifresko» dhe ndryshimi nuk e ngrenë me qëllim.

Do të thotë se shkel ndonjë rregull publikimi: kategori e gabuar, foto që nuk i përkasin produktit, artikull i ndaluar ose i njëjti produkt i publikuar disa herë. Statusi «E refuzuar» duket te Profili → Shpalljet e mia, te skeda «Të refuzuara»; kur stafi ka shkruar arsyen, ajo shfaqet aty nën shpallje si «Pse nuk kaloi:», dhe «Ndrysho» të çon drejt te ndreqja.

Merr njoftimin «Shpalljen e përditësoi stafi» te zilja dhe me email — ky email nuk fiket nga cilësimet. Njoftimi nuk liston çfarë ndryshoi: hape shpalljen dhe shihe vetë, dhe nëse diçka nuk të duket në rregull, na shkruaj te suporti.

• Shpallja mbetet publike — revizioni i stafit nuk e kthen te moderimi.
• Afati i 60 ditëve dhe vendi te «Më të rejat» nuk lëvizin.
• Mund ta ndryshosh sërish si çdo herë tjetër; me llogari të paverifikuar, ndryshimi yt kalon nga moderimi si zakonisht.

Është kartela «A ia vlen ta blej me këtë çmim?» te shiriti anësor i shpalljes. Me një klikim krahasojmë çmimin me tregun, lexojmë fotot kundrejt tekstit dhe të themi çfarë të kontrollosh para se të paguash. Zgjat rreth 30 sekonda — mos e mbyll faqen.

• E shohin blerësit, jo pronari — te shpallja jote kartela nuk del fare.
• Del vetëm te shpalljet aktive me çmim: jo «Falas», jo «Me marrëveshje», dhe jo te kategoritë «Punë» dhe «Shërbime».
• Kërkon llogari; pa të, butoni të çon te hyrja.
• Përgjigjja jep verdiktin, «Çmim i drejtë» si interval, mospërputhjet në shpallje, dhe me «Shiko analizën e plotë» arsyet, listën «Kontrollo para se të paguash» dhe «Pyete shitësin».
• «Shkarko analizën e plotë» hap dritaren e shtypjes — zgjidh «Ruaj si PDF» dhe merre me vete te takimi.

Numri i mbetur shkruhet nën buton: «Të mbetura sot: N nga Q». Kur mbaron, kartela e thotë vetë dhe të ofron verifikimin.

Një shpallje vlerësohet një herë për version: rezultati ruhet 60 ditë, dhe çdo klikim tjetër mbi të njëjtën shpallje të pandryshuar kthen po atë — me datën «Vlerësuar … më parë». Sapo shitësi ndryshon çmimin, gjendjen, qytetin, detajet ose fotot, rezultati i vjetër bie dhe vlerësimi rifillon.

Për vlerësimin e çmimit dërgohet: titulli, kategoria, 800 shenjat e para të përshkrimit, çmimi me monedhën dhe llojin, gjendja, qyteti dhe zona, fushat e plotësuara (dhe cilat mungojnë), deri në 4 foto dhe numri i tyre, para sa ditësh u publikua dhe u ngrit së fundi, shikimet dhe numri i ruajtjeve.

Për shitësin shkojnë vetëm sinjale: a është biznes, a është i verifikuar, mesatarja dhe numri i vlerësimeve, dhe sa muaj është anëtar. Fushat e emrit, emrit të përdoruesit dhe telefonit nuk dërgohen. Fotot nisen si adresa publike, dhe ajo adresë e përmban identifikuesin e llogarisë sate.

Gjatë moderimit stafi mund të përdorë «Rregullo me AI». Atëherë OpenAI merr titullin, përshkrimin e plotë, kategorinë, çmimin, gjendjen dhe parametrat e shpalljes, përfshirë të dhënat e kontaktit që ke shkruar vetë në tekst. Fotot dhe fusha e veçantë e telefonit nuk dërgohen. Stafi sheh ndryshimet para ruajtjes; zgjedhja për ta fshehur telefonin ruhet dhe AI nuk e aprovon vetë shpalljen.

Një shikim numërohet një herë për çdo hapje të shpalljes brenda një seance shfletuesi — rifreskimi i faqes nuk shton. Nga 13 shtatori 2026 numërimi bëhet te serveri dhe i njëjti vizitor nuk e shton numrin më shumë se një herë në gjysmë ore për të njëjtën shpallje, edhe nëse e hap nga disa skeda. Edhe hapjet e tua numërohen. Numri shfaqet te faqja e shpalljes, te Shpalljet e mia, dhe te kartela e rezultateve vetëm kur kalon 200.

Ruajtjet i sheh vetëm si numër — zemra te Shpalljet e mia — dhe merr njoftimin «Dikush e ruajti shpalljen» ose «N persona e ruajtën shpalljen». Kush e ruajti nuk tregohet kurrë: lista e të preferuarave është private për secilin.

Jo. Adresa krijohet një herë, në publikim, dhe mbetet e njëjtë — lidhjet që ke dërguar te blerësit vazhdojnë të punojnë.

Te faqja e shpalljes, pranë datës, ka një kontroll që e kopjon identifikuesin në kujtesë. Bashkangjite kur raporton një problem — na kursen shumë kërkim.

Kërkimi shikon titullin, qytetin dhe përshkrimin. Kur shkruan disa fjalë, të gjitha duhet të gjenden — «golf 7 naftë» kthen vetëm shpalljet ku ndodhen të tria.

• Thonjëzat kërkojnë frazën e plotë: "karrige zyre".
• Minusi përpara një fjale e përjashton atë: iphone -ekran.
• Fjalët duhen të plota — «makinat» nuk e gjen «makina».

Jo. Kërkimi i heq theksat në të dyja anët — edhe te shpalljet, edhe te ajo që shkruan ti — ndaj «çelës», «celes» e «Çelës» gjejnë të njëjtat shpallje. Shkruaj si të vijë më lehtë nga tastiera.

Poshtë kutisë së kërkimit të kryefaqes ka butonin «Kërko përmes AI» — kur veçoria është e ndezur. Hapet dritarja «Më shpjego çfarë po kërkon», ku shkruan një fjali të lirë në shqip, deri në 300 shenja: p.sh. «kërkoj një Golf 7 me naftë deri 8000 € në Prishtinë».

Modeli nuk kërkon vetë dhe nuk shpik rezultate: fjalinë e kthen në filtrat e zakonshëm — kategori, komunë ose rajon, kufi çmimi, gjendje, lloj çmimi, renditje dhe disa fjalë kyçe — dhe të çon te faqja e kërkimit me ta. Mbi rezultatet del kutia «Nga fjalia jote kuptova:» me çdo filtër si shenjë; atë që s'ta ka kuptuar mirë e heq me një klikim.

• Kërkon llogari — pa të, butoni të çon te hyrja.
• Kërkimi me fjalë kyçe punon gjithmonë dhe nuk kërkon llogari.
• Fjalia jote nuk hyn te «Në trend tani» dhe nuk ruhet te llogaria.

• Numërohen bashkë kërkimet me shkrim dhe kthimet e zërit në tekst — «Thuaje me zë» dhe pastaj «Kërko» harxhojnë dy njësi.
• Njësia llogaritet sa herë e nis kërkimin, edhe kur të njëjtën fjali e ka shkruar dikush pak më parë dhe përgjigjja kthehet menjëherë nga kujtesa e serverit.
• Kur thirrja dështon, njësia të kthehet.
• Ka edhe një buxhet ditor për gjithë platformën; kur mbushet, të çojmë te një kërkim i thjeshtë me fjalët kryesore.

Brenda dritares «Kërko përmes AI» ke butonin «Thuaje me zë». Në klikim shfletuesi të kërkon lejen e mikrofonit; fol, pastaj shtyp «Ndalo» — ose prit, se regjistrimi ndalet vetë pas 20 sekondash. Zëri kthehet në tekst dhe del te fusha, që ta shohësh e ta ndreqësh para se të shtypësh «Kërko». Kërkimi nuk niset vetë.

• Kërkon llogari. Butoni fshihet fare kur nuk je i kyçur, kur shfletuesi nuk e mbështet regjistrimin, ose kur e ke refuzuar lejen e mikrofonit.
• Gjuha është shqipja — s'ka çfarë të zgjedhësh; numrat dalin si shifra.
• Regjistrimi nuk ruhet askund te ne: kalon te shërbimi i transkriptimit dhe humbet me kërkesën.

Çdo filtër te kutia «Nga fjalia jote kuptova:» është një shenjë me X — hiqe atë që s'qëndron dhe rezultatet rifreskohen; me dy e më shumë shenja ke edhe «Pastro të gjitha». Nëse s'nxori asnjë filtër, kutia e thotë vetë.

Kur filtrat e nxjerrë s'japin asnjë shpallje, nuk mbetesh me faqe bosh: i heqim me radhë — specifikat, kufirin e çmimit, gjendjen, vendndodhjen, llojin e çmimit — dhe ndalemi te i pari që jep diçka, me shënimin se çfarë u hoq dhe me lidhjen «Vazhdo me këtë kërkim». Kategoria dhe fjalët kyçe nuk hiqen kurrë.

• «Kategoria» — kategoria kryesore dhe nënkategoria.
• «Çmimi» — interval nga/deri në euro, plus lloji i çmimit: «Çmim fiks», «I diskutueshëm», «Falas», «Me marrëveshje».
• «Vendndodhja» — komuna, e grupuar sipas rajonit; për një rajon të tërë përdor zgjedhësin e kryefaqes ose atlasin nën hartë.
• «Shitësi» — «Persona privatë» ose «Biznese».
• «Gjendja» — nga «I ri» te «Për pjesë».
• «Detaje të kategorisë» — vit, kilometrazh, sipërfaqe, memorie e të tjera, sipas kategorisë.
• «Të tjera» — «Vetëm me foto», «Vetëm të promovuara».

«Nga» dhe «Deri», në euro. «Deri» përfshin edhe shpalljet pa çmim — «Falas» dhe «Me marrëveshje» — që të mos i humbasësh; nëse i shkruan përmbys, i ndërrojmë vetë. Nën to ke edhe llojin e çmimit si kuti, dhe mund të shënosh disa njëherësh.

Te zgjedhësi i vendndodhjes i kryefaqes: hap listën dhe shtyp rreshtin e rajonit — «Regjioni Prishtinë», me kodin e targës përpara — në vend të një komune. Kërkimi mbulon të gjitha komunat e tij: 7 rajone, 38 komuna. Në celular e njëjta gjë del te atlasi i targave nën hartë, ku çdo rajon ka lidhjen «Shiko gjithë rajonin».

Paneli i filtrave te rezultatet ka vetëm komuna, të grupuara sipas rajonit: sapo zgjedh një komunë aty, rajoni hiqet. Rajonin aktiv e sheh si shenjë mbi rezultatet dhe e heq me një klikim.

Ke gjashtë renditje te zgjedhësi «Renditja»: «Më të përshtatshmet», «Më të rejat», «Më të vjetrat», «Çmimi: nga më i ulëti», «Çmimi: nga më i larti» dhe «Më të shikuarat». Kur ke shkruar fjalë, nis me «Më të përshtatshmet»; pa fjalë, me «Më të rejat».

Shpalljet e promovuara qëndrojnë lart brenda rezultateve, ato të shitura shtyhen në fund, dhe te renditja sipas çmimit shpalljet pa çmim dalin të fundit. Në çdo faqe shfaqen 24 shpallje.

14 kategori kryesore me 121 nënkategori. Butoni «Kategoritë» te shiriti nën kokën e faqes hap panelin me të gjitha, dhe secila prej tyre ka faqen e vet, me numrin e shpalljeve aktive.

Te faqja e një kategorie kryesore nënkategoritë dalin si pllaka në desktop dhe si një pllakë e vetme «Zgjidh nënkategorinë» që hapet nga poshtë në celular. Çdo shpallje publikohet në një nënkategori, prandaj filtrat e veçantë i sheh të plotë kur zgjedh njërën.

Me zemrën te çdo shpallje. Lista jote është private: shitësi sheh vetëm numrin e ruajtjeve te shpallja e vet dhe merr një njoftim anonim «Dikush e ruajti shpalljen» — kurrë emrin tënd.

Deri në 200 ruajtje brenda 24 orëve, njësoj për çdo lloj llogarie, dhe jo më shumë se 60 brenda një ore. Heqja nuk kufizohet kurrë, dhe klikimi mbi një zemër tashmë të kuqe nuk harxhon asgjë.

Lista rri te «Të preferuarat»: shpalljet e ruajtura së fundmi dalin të parat, 24 për faqe.

«Në trend tani» del te paneli i kutisë së kërkimit kur nuk ke ende kërkime të fundit: terma që po ngjiten javën e fundit — kërkime të vërteta, marka e modele nga shpalljet aktive, nënkategori. Një term hyn aty vetëm nëse e kanë kërkuar të paktën tre vizitorë të ndryshëm brenda shtatë ditësh dhe nëse kthen ende rezultate tani.

«Popullore» janë shenjat nën kërkimin e kryefaqes dhe masin interesin e grumbulluar — shikimet, ruajtjet dhe kërkimet e 90 ditëve të fundit. Prandaj shumica janë kufij çmimi mbi çmimin e mesëm real të kategorisë («Makina nën 13 000 €»): numri lëviz vetë kur lëviz tregu.

• Klikimi mbi një term «Në trend tani» nuk numërohet — përndryshe lista do ta ushqente veten.
• Numërohen vetëm kërkimet që i dërgon vetë, me tekst të shkurtër; adresat e email-it, lidhjet dhe numrat e telefonit nuk hyjnë kurrë.
• Vizitori numërohet si një kod javor i pakthyeshëm i adresës IP — as IP-ja, as llogaria nuk ruhen.

Nga shkronja e dytë e tutje, paneli «Sugjerime» tregon deri në gjashtë tituj shpalljesh që përputhen me atë që ke shkruar, me nënkategorinë djathtas. Klikimi — ose Enter mbi rreshtin e theksuar me shigjeta — hap drejt atë shpallje; nuk bën kërkim. Për të parë të gjitha rezultatet, shtyp «Kërko».

Kur fusha është bosh, i njëjti panel tregon «Kërkimet e fundit» — gjashtë të fundit, te ky shfletues — ose, nëse s'ke ende, «Në trend tani».

Një pamje e të 38 komunave me katër lente: dendësia e shpalljeve, çmimi mesatar, aktiviteti i fundit dhe moti. Mund të filtrosh sipas kategorisë, të krahasosh deri në tri komuna njëherësh dhe të kalosh me një klikim te rezultatet e asaj komune.

Zakonisht sepse shitësi e ka arkivuar ose e ka fshirë, sepse u refuzua nga moderimi, ose sepse e ndryshoi dhe u kthye te radha e moderimit. Një shpallje e shënuar «E shitur» mbetet te rezultatet, por në fund; një «E skaduar» mbetet e listuar me shenjë — 60 ditët nuk e heqin nga kërkimi.

Shiko së pari te «Për ty»: rreshti «Vazhdo aty ku e le» mban shpalljet e fundit që ke hapur, dhe «Çfarë dimë për ty» i liston të gjitha. Pa llogari, kujtesa e këtij shfletuesi mban 24 të fundit.

Gjashtë të fundit ruhen vetëm brenda shfletuesit tënd dhe nuk shkruhen kurrë te llogaria. Kur hap «Për ty» pa llogari, ato udhëtojnë vetëm si pyetje e çastit, që feed-i të përgjigjet, dhe serveri nuk i ruan.

Është një faqe me shpallje të renditura sipas asaj që ke bërë vetë në platformë. Kur je i kyçur, renditja lexon katër gjëra: shpalljet që ke hapur, ato që ke ruajtur me zemër, shitësit që ke kontaktuar dhe vlerësimet e çmimit me AI që ke kërkuar. Prej tyre del kategoria, qyteti, marka dhe brezi i çmimit që të interesojnë.

• Sinjalet vlejnë 90 ditë dhe zbehen me kohën: një klikim i sotëm peshon më shumë se një i para dy javësh.
• Shpalljet që i ke ruajtur, ato që i ke kontaktuar dhe shpalljet e tua nuk dalin te lista — ato e drejtojnë renditjen, jo e mbushin.
• Shpalljet e bizneseve që ndjek marrin një shtysë të vogël shtesë.
• Faqja ka 24 shpallje për faqe.

Sepse renditja ende nuk ka mjaft sinjal. Ajo numëron katër lloje veprimesh bashkë — shpallje të hapura, zemra, shitës të kontaktuar dhe vlerësime çmimi me AI — dhe nën tre prej tyre lista nuk quhet personale: do të ishte hamendje mbi një klikim.

• «Popullore tani» me pilulën «Ende nuk të njeh» — ende asnjë sinjal; lista është e njëjta për këdo.
• «Nisu nga këtu» me pilulën «Po mësohet me ty» — një ose dy sinjale: shpallje të freskëta nga ajo pak që dimë.
• «Zgjedhur për ty» me pilulën «Renditja të njeh» — tre e më shumë; nën çdo kartelë shkruhet arsyeja pse është aty.
• «Kujtesa është e fikur» — e ke fikur vetë historinë; lista mbetet popullore derisa ta ndezësh.

Është arsyeja që peshoi më shumë për atë shpallje — e vetmja, jo e gjitha. Shtatë formulime ka: «Sepse shikove [nënkategoria]», «Sepse shikove një [marka]», «Në brezin e çmimit që shikon», «Në [qyteti], si shpalljet e tua të fundit», «Nga [shitësi], që e ndjek», «Të tjerë që ruajtën atë, ruajtën edhe këtë» dhe «E re te [kategoria]». Te lista popullore shkruhet thjesht «Popullore tani».

Mbi listën, kur renditja të njeh, del edhe përmbledhja «Ky ekran doli nga:» me katër kova — nga ajo që shikon, çmimi dhe qyteti yt, kërkimet dhe shitësit e tu, popullore te të tjerët.

Punon. Pa llogari kujtesa rri vetëm te ky shfletues: 24 shpalljet e fundit që ke hapur dhe 6 kërkimet e fundit. Kur hap «Për ty», shfletuesi ia dërgon këto serverit si pyetje të çastit dhe merr një listë — serveri nuk shkruan asnjë rresht për ty, nuk të vë cookie dhe nuk të krijon profil.

• Kur hyn në llogari, shpalljet e hapura dhe zemrat e vëna pa llogari kalojnë një herë te llogaria jote — nuk i humb.
• Kur del nga llogaria, lista e shpalljeve të hapura te ky shfletues pastrohet, që dikush tjetër te i njëjti shfletues të mos i trashëgojë; kërkimet e fundit mbeten te shfletuesi.
• «Vazhdo aty ku e le» punon edhe pa llogari; «E gjithë historia» dhe «Çfarë dimë për ty» kërkojnë llogari.

Rreshti i parë i «Për ty»: 8 shpalljet e fundit që ke hapur dhe që janë ende aktive, me kohën kur i hape dhe shenjën «N herë» kur e ke hapur më shumë se një herë. Te kryefaqja del një variant më i shkurtër. Është pjesa e faqes që punon pa asnjë algoritëm — edhe një llogari krejt e re e sheh të mbushur pas tri klikimeve.

• Del vetëm te faqja e parë e feed-it, dhe vetëm kur ke hapur diçka.
• Një shpallje që shitësi e ka shënuar të shitur ose e ka arkivuar nuk shfaqet më këtu. Te «E gjithë historia» e shitura rri me shenjën e vet; e arkivuara nuk shfaqet dot, sepse nuk është më publike.
• Zemra e një shpalljeje të ruajtur shfaqet e ndezur — ky rresht nuk përjashton asgjë.

Kur je i kyçur dhe hap një shpallje, mbajmë një rresht të vetëm për të: cila shpallje ishte, sa herë e ke hapur dhe kur ishte hera e fundit. Nuk ruhen shpalljet e tua, as ato që nuk janë ende publike. Kujtesa ndalet te 200 shpalljet e fundit — kur hap të 201-tën, më e vjetra bie.

• Çdo rresht ruhet 90 ditë nga hera e fundit që e hape; pastaj fshihet vetë.
• Nuk ruhet asgjë kur e ke fikur kujtesën, kur je pa llogari, ose kur llogaria është e bllokuar.
• Nuk ruhen fjalët që shkruan te kërkimi, as faqet që viziton — vetëm shpalljet që hap.

Gjithçka e sheh te «Çfarë dimë për ty»: katër numra, kategoritë, qytetet dhe markat që shikon si përqindje e interesit tënd, brezi i çmimit, dhe lista e plotë e shpalljeve që ke hapur — e shkruar ashtu siç lexohet nga renditja, jo e zbukuruar.

Te «Çfarë dimë për ty», seksioni «Kontrolli është yti». Tri mënyra: «×» te një shpallje e vetme, butoni «Fshij të gjithë historinë» me një konfirmim, ose ndërruesi «Mos e ruaj historinë time».

Fikja fshin. Ndërruesi ndalon ruajtjen e shpalljeve që hap dhe fshin në çast edhe atë që kemi mbledhur deri atëherë — një çelës që i lë të dhënat aty do të ishte çelës i rremë. Sa kohë është i ndezur, «Për ty» të shfaq listën popullore, njësoj si çdo vizitori tjetër.

• Çdo fshirje del menjëherë nga renditja — nuk pret natën.
• Të preferuarat, bisedat dhe kërkimet e ruajtura nuk preken nga asnjëra: ato i fshin veç, aty ku i ke.
• Fshirja dhe fikja punojnë edhe kur llogaria është e bllokuar.

Gjendja e kërkimit rri e tëra në adresën e faqes, prandaj mjafton ta ruash si faqerojtës ose ta dërgosh si lidhje — filtrat hapen tamam si i le.

Brenda llogarisë: sapo vendos të paktën një filtër — qytetin, çmimin, gjendjen, «Vetëm me foto» a një fushë të kategorisë — te shiriti i rezultateve del butoni «Ruaje kërkimin» (te celulari vetëm ikona e faqerojtësit). Vetëm me një fjalë kyçe, ose vetëm me kategorinë e zgjedhur, butoni nuk shfaqet: një kërkim pa filtra do të ishte e gjithë faqja e rezultateve.

Dialogu të propozon një emër nga filtrat (deri 60 shenja, ndryshoje si të duash) dhe kutinë «Njoftomë me email», të shënuar që në fillim. Kërkimi ruan filtrat bashkë me fjalët që ke shkruar, dhe e gjen te «Për ty» → «Kërkimet e tua», me numrin «N të reja». Deri në 10 kërkime të ruajtura.

Një herë në ditë, në mëngjes, dhe vetëm kur ka arsye: duhet të ketë shpallje të reja që kur e hape kërkimin herën e fundit, dhe të paktën njëra prej tyre të jetë publikuar brenda ditës së fundit. Pa shpallje të reja nuk vjen asgjë.

Njoftimi del së pari te zilja, me emrin e kërkimit dhe një lidhje që hap drejt rezultatet me ata filtra. Email-i vjen për të njëjtin njoftim, në dy kushte: kutia «Njoftomë me email» e atij kërkimi dhe kutia «Njoftime me email» te Profili → Cilësimet janë të dyja të ndezura.

• Numërohen vetëm shpalljet aktive; një shpallje e shitur ose e ringritur nuk është lajm i ri.
• Numri te email-i mund të dalë pak më i madh se ai te faqja: llogaritja e mëngjesit nuk njeh disa filtra të hollë, ndaj është kufi i sipërm.
• Nëse llogaria është e bllokuar, kërkimet nuk njoftohen.

Kërkesa është e kundërta e shpalljes: në vend që të kërkosh çdo ditë, shkruan një herë çfarë po kërkon — kategorinë, çmimin, qytetin dhe specifikat — dhe çdo shpallje e re krahasohet me kriteret e tua në çastin që publikohet. Kur përputhet, e gjen te «Kërkesat e mia» dhe të njoftojmë te zilja.

Kërkesa është private. As emri që i vure, as kriteret, as shënimi nuk i shfaqen asnjë përdoruesi tjetër, nuk hyjnë te «Në trend» dhe nuk ushqejnë reklamat. E vetmja gjë që del jashtë llogarisë tënde është një numër te faqja e një shitësi — dhe as ai nuk shfaqet nën tre persona.

Te shiriti i kategorive, «Kërkesat» → «Shto kërkesë» — ose drejt nga një kërkim pa rezultate, me butonin «Kërko ta gjejmë ne»: atëherë filtrat dhe fjalët që kishe shkruar vijnë të gatshme te forma.

Forma është i njëjti panel filtrash si te kërkimi: kategoria dhe nënkategoria, çmimi nga/deri, qyteti, lloji i shitësit, gjendja, «Vetëm me foto» dhe fushat e veçanta të nënkategorisë. Djathtas mbushet fleta e kërkesës, dhe poshtë saj sheh «Nga ajo që ka tani»: sa shpallje ekzistuese përputhen plotësisht në këtë çast.

Kur shtyp «Ruaje kërkesën», i vë një emër (deri 80 shenja — forma të propozon një nga kriteret) dhe, nëse do, një shënim privat deri 300 shenja, p.sh. «po jo dizel». Shënimin e sheh vetëm ti dhe nuk hyn te përputhja.

Deri në 10 kërkesa aktive njëkohësisht. Të ndalurat dhe të mbyllurat nuk numërohen — ndale ose mbylle njërën dhe vendi lirohet. Skeda «Aktive» e tregon numëruesin, p.sh. «7/10».

Në çastin që dikush publikon — jo një herë në natë. Merr njoftim te zilja, «Diçka që kërkoje sapo doli», që të çon drejt te shpallja; kur mblidhen disa, njoftimi bëhet «N përputhje të reja për kërkesat e tua». Te shiriti i kategorive «Kërkesat» merr një numër të kuq me përputhjet që s'i ke parë ende.

Email vjen vetëm nëse e ke lënë të ndezur «Njoftime me email» te Profili → Cilësimet, dhe jo në çast: emailet e njoftimeve dërgohen një herë në ditë, në mëngjes.

• Njoftohesh vetëm për përputhje të plota — kur shpallja i plotëson të gjitha kriteret e tua.
• Shpalljet e tua nuk të njoftojnë kurrë.
• Shpalljet që ekzistonin para se ta ruaje kërkesën nuk njoftohen si të tilla — ato i sheh te «Nga ajo që ka tani».

Faqja e një kërkese ka dy grupe. «Përputhjet» janë shpalljet që i plotësojnë të gjitha kriteret — vetëm për këto njoftohesh. «Afër kërkesës tënde» janë ato ku kategoria, çmimi, qyteti dhe gjendja qëndrojnë, por një ose dy nga specifikat e nënkategorisë nuk përputhen. Poshtë secilës shkruan saktësisht çfarë ndryshon: «Viti i prodhimit — ka 2013, kërkove 2015 e sipër».

Kategoria, fjalët, qyteti, çmimi, monedha, gjendja, lloji i çmimit, lloji i shitësit dhe «Vetëm me foto» janë kufij të fortë: një shpallje që s'i plotëson nuk shfaqet fare. Vetëm specifikat e nënkategorisë lejojnë deri në dy mospërputhje.

Jo. Çdo çift kërkesë–shpallje mban një përputhje të vetme. Nëse shitësi e arkivon dhe e riaktivizon shpalljen, e shënon të shitur dhe e kthen aktive, ose e ndryshon dhe ajo kalon sërish nga moderimi, nuk të vjen njoftim i dytë.

Njoftim i ri vjen vetëm kur ndryshon vetë fakti: një shpallje që ishte «afër» dhe pas ndryshimit bëhet përputhje e plotë njoftohet — një herë.

Po. Krahasimi nuk bëhet vetëm te publikimi: sa herë një shpallje aktive ndryshon çmimin, monedhën, llojin e çmimit, qytetin, gjendjen, kategorinë ose specifikat, ajo krahasohet sërish me kërkesat. Një makinë 15 000 € që bie në 9 000 € i përgjigjet tani kërkesës «deri 10 000 €» — dhe të njoftojmë, edhe pse shpallja është më e vjetër se kërkesa jote.

Ndryshimi vetëm i titullit, i përshkrimit ose i fotove nuk e ndez krahasimin — përveç kur shpallja kalon sërish nga moderimi dhe aprovohet.

Nga ikonat te kartela e kërkesës. «Ndale» e ndal krahasimin pa fshirë asgjë — përputhjet që s'i ke parë rrinë te kartela. «Rifillo» e rikthen, nëse ke vend nën dhjetë. «E gjeta» e mbyll. «Fshije» e heq përgjithmonë bashkë me përputhjet e saj, pas një konfirmimi. Ke edhe «Ndrysho» për kriteret dhe «Hape te kërkimi».

Lista ndahet në tri skeda — «Aktive», «Të ndalura», «Të mbyllura». Edhe një kërkesë e mbyllur rifillohet me «Rifillo».

Nuk skadon dhe nuk fshihet vetë. Por pas 60 ditësh pa asnjë përputhje — i njëjti afat si shenja «E skaduar» e shpalljeve — merr shenjën «E heshtur», me dy butona: «Vazhdo edhe 60 ditë» dhe «E gjeta». Nëse s'ka pasur kurrë përputhje, kutia të thotë hapur se kriteret mund të jenë shumë të ngushta.

Shenja është vetëm pamje: kërkesa mbetet aktive, krahasimi vazhdon, dhe nuk të vjen as njoftim as email për heshtjen. Vendimin e merr ti, te lista.

Ana tjetër e kërkesave. Kur publikon një shpallje — te hapi i fundit i formës — dhe më pas te faqja e shpalljes, ti si pronar sheh sa persona kanë një kërkesë aktive për atë kategori, me çmimin tënd brenda intervalit që kërkojnë dhe në qytetin tënd.

Numri shfaqet vetëm nga tre persona e lart — me një ose dy kartela nuk del fare — dhe e sheh vetëm pronari i shpalljes, jo blerësit. Asnjë emër, asnjë tekst kërkese.

Kërkimi i ruajtur numëron një herë në ditë sa shpallje të reja i përgjigjen kërkimit tënd, të çon te rezultatet, dhe ka për secilin kërkim ndërruesin e vet «Njoftomë me email». Kërkesa krahasohet në çastin që dikush publikon, të çon drejt te shpallja, të tregon pse përputhet ose çfarë i mungon, dhe emaili i saj ndjek kutinë e përgjithshme te cilësimet.

Mund t'i kesh të dyja për të njëjtën kategori — njoftojnë veç. Për diçka të saktë dhe të rrallë («Golf 7, 2015–2018, deri 9 000 €, Prishtinë») kërkesa është vegla; për të ndjekur një kategori të tërë, kërkimi i ruajtur.

Me butonin «Dërgo mesazh» te shpallja — kërkon llogari: pa hyrë, butoni të çon te hyrja dhe të kthen te shpallja. Biseda hapet menjëherë dhe mbetet e lidhur me atë shpallje, kështu që të dy e dini gjithmonë për çfarë bëhet fjalë. Nëse shitësi ka lënë numrin, e sheh të maskuar dhe e hap me «shfaq»; kur ai ka ndezur WhatsApp ose Viber, ke edhe ata dy butona.

Jo. Çdo bisedë lidhet me një shpallje konkrete dhe hapet vetëm nga faqja e saj, me «Dërgo mesazh». Te profili publik i një përdoruesi nuk ka buton mesazhi — aty sheh shpalljet e tij dhe hyn te njëra prej tyre.

Bisedën e nis gjithmonë blerësi. Shitësi nuk të shkruan dot i pari: ai përgjigjet brenda bisedës që hape ti. Po e mbylle faqen pa shkruar gjë, biseda mbetet te lista e të dyve me shënimin «Biseda sapo filloi» — shitësi nuk merr as zile as email derisa të dërgosh mesazhin e parë.

Po — mesazhet e reja mbërrijnë drejtpërdrejt, pa e rifreskuar faqen, dhe numri i të palexuarave shfaqet te ikona e mesazheve: në krye te desktopi, te shiriti i poshtëm në celular. Mesazhet e tua marrin shenjën «lexuar» kur pala tjetër e hap bisedën.

Po, një email për çdo bisedë të re — vetëm për mesazhin e parë, me emrin e dërguesit dhe titullin e shpalljes, pa tekstin e mesazhit. Për përgjigjet e mëpasshme nuk dërgojmë email, që kutia jote të mos mbytet.

Vetëm nëse e shton vetë, dhe edhe atëherë shfaqet i maskuar derisa blerësi të shtypë «shfaq». Te hapi i fundit i shpalljes ke edhe kutinë «Fshihe numrin — prano vetëm mesazhe».

Kur e shënon atë kuti, numri nuk niset fare te faqja e shpalljes — as si buton telefoni, as si WhatsApp ose Viber. Prandaj ato dy kuti çaktivizohen sa kohë fshehja është aktive: lidhjet e tyre e çojnë blerësin te i njëjti numër.

Jo. Brenda bisedës pala tjetër sheh vetëm emrin, emrin e përdoruesit dhe foton e profilit tënd — të njëjtat që ka edhe profili yt publik — bashkë me një lidhje drejt tij. Numri i telefonit dhe email-i nuk udhëtojnë me mesazhin.

Nëse do që tjetri të të marrë në telefon, shkruaja numrin vetë në mesazh — vendimi është i yti, çdo herë, dhe mesazhi i dërguar nuk tërhiqet dot.

Kufiri prek vetëm bisedat e REJA; mesazhet brenda një bisede ekzistuese janë të pakufizuara, deri në 30 në minutë. Ka edhe një kufi shtesë prej 15 bisedash brenda një ore.

Këta kufij ekzistojnë kundër spam-it; përdorimi normal nuk i prek.

• «Ke arritur kufirin prej N bisedash brenda 24 orëve» — kuota ditore e bisedave të reja. Bisedat që ke hapur më parë hapen pa u numëruar.
• «Ke hapur shumë biseda brenda një ore» — tavani prej 15 bisedash të reja në orë. Pritja matet në minuta, jo në ditë.
• «Kjo shpallje nuk është më aktive» — shpallja nuk pranon më biseda të reja: e shitur, e arkivuar ose në moderim. Te një shpallje e tillë butoni «Dërgo mesazh» nuk shfaqet fare; ky mesazh del vetëm kur gjendja ndryshon ndërsa e ke faqen hapur. Bisedat e nisura më parë vazhdojnë nga Mesazhet.
• «Ke dërguar shumë mesazhe» — kufiri prej 30 mesazhesh në minutë. Teksti të kthehet te fusha; prit një minutë dhe dërgoje sërish.
• «Mesazhi nuk u dërgua» pa arsye tjetër — interneti ra në çastin e dërgimit, ose sesioni skadoi. Provo një herë; nëse nuk shkon, rifresko faqen. Teksti të mbetet te fusha derisa ta rifreskosh.
• «Llogaria jote është e bllokuar.» — llogaria e bllokuar lexon, por nuk shkruan.

Foto ende jo. Lokacionin po: butoni pranë fushës së shkrimit merr pozicionin tënd të çastit, ta tregon në një pamje paraprake dhe e dërgon vetëm pasi e konfirmon ti. Shkon si një lidhje harte — asgjë nuk niset para konfirmimit.

Pala tjetër sheh një kartë me koordinatat; harta brenda bisedës vizatohet te ne, pa asnjë kërkesë jashtë. Vetëm kur e prek kartën, koordinatat hapen te një hartë e jashtme në një dritare të re.

Jo. Mesazhi i dërguar nuk ndryshohet dhe nuk fshihet — as nga ti, as nga pala tjetër. E vetmja gjë që ndryshon më vonë është shenja «lexuar». Kjo është me qëllim: bisedat mbeten provë ashtu siç u shkruan, edhe për stafin kur citohen te një raportim.

Kontrolloje para se të shtypësh Enter: Enter e dërgon, Shift+Enter shton rresht të ri. Vendndodhja ka një hap konfirmimi pikërisht sepse nuk tërhiqet dot më pas.

Fshirja e bisedave dhe bllokimi i një përdoruesi ende nuk ofrohen. Nëse dikush të shqetëson, raporto shpalljen e tij — ekipi i moderimit ndërhyn te llogaria.

Te të dyja, por për gjëra të ndryshme. Ikona e mesazheve mban numrin e mesazheve të palexuara, deri «9+», dhe hapet si listë e shkurtër me bisedat e fundit dhe lidhjen «Shiko të gjitha mesazhet».

Zilja merr për çdo mesazh njoftimin «Mesazh i ri nga …» me fillimin e tekstit; disa mesazhe nga i njëjti person bashkohen në një. Numri te zilja nuk i numëron mesazhet — që të mos e shohësh të njëjtin mesazh dy herë.

Bisedën e lexoni vetëm ju të dy — as stafi nuk ka qasje të përgjithshme. E vetmja derë është një raportim i hapur, dhe ajo mbulon vetëm objektivin e tij: kur raportohet një shpallje, bisedat e asaj shpalljeje; kur objektivi është vetë personi — gjë që sot e bën vetëm ekipi i moderimit, sepse te faqja nuk ka buton për të raportuar një përdorues — bisedat ku ai është palë. Në të dyja rastet hapja është veprim i qëllimshëm dhe lë gjurmë auditimi para se të shfaqet teksti.

Jo. Bisedat dhe mesazhet e vjetra i lexon si më parë, dhe pala tjetër mund të të shkruajë ende. Ajo që bie është shkrimi: nuk hap dot biseda të reja dhe nuk dërgon dot mesazhe — përpjekja kthehet me «Llogaria jote është e bllokuar.» dhe lidhjen te shpjegimi.

Zilja në krye të faqes mbledh gjithçka që ndodh me llogarinë tënde ndërsa nuk je këtu. Njoftim merr për:

• Shpalljet e tua — u aprovua, nuk u aprovua (me arsyen, kur stafi e ka shkruar), u hoq nga stafi, pret aprovim pas një ndryshimi, dikush e ruajti, u promovua, skadon së shpejti ose u shënua «E skaduar», promovimi mbaron së shpejti, ose stafi e përditësoi vetë tekstin e saj.
• Mesazhet — çdo mesazh i ri shfaqet te lista e njoftimeve, i grupuar sipas bisedës; numërohet vetëm te ikona e mesazheve, jo te zilja.
• Llogaria dhe siguria — vërejtje, bllokim dhe çbllokim, verifikimi u dha ose u hoq, statusi biznes u dha ose u hoq, aplikimi nuk u aprovua, email-i ose fjalëkalimi u ndryshua nga stafi.
• Porositë dhe suporti — pagesa u konfirmua, porosia u anulua nga stafi, suporti u përgjigj, raportimi yt u shqyrtua.
• Zbulimi — një biznes që ndjek publikoi shpallje të re, kërkimi yt i ruajtur gjeti diçka, një shpallje i përgjigjet kërkesës sate.
• Vlerësimet — ke marrë një vlerësim, vlerësimit tënd iu përgjigj, një vlerësim yti u hoq nga stafi.
• Ekrani, nëse reklamon — reklama u aprovua, nuk u aprovua, është në ekran, po mbaron, doli nga ekrani, u ndal nga stafi, ose fatura është gati.
• Lajmërimet e ekipit të SuperShpejtit.

Zilja në krye hap një listë me njoftimet e fundit dhe përditësohet vetë, pa e rifreskuar faqen. Numri i kuq mbi të tregon sa njoftime ke të palexuara — mbi nëntë shfaqet «9+». Lidhja «Shiko të gjitha njoftimet» të çon te faqja e plotë; e gjen edhe te Profili → Njoftimet.

Mesazhet e reja nuk numërohen te zilja: ato kanë ikonën dhe numëruesin e vet ngjitur. Në celular zilja nuk ka ikonë të veten — numri shfaqet te menyja e llogarisë, pranë zërit «Njoftimet».

Jo të gjitha. Njoftimet ndahen në tri grupe:

• Me email gjithmonë, pa u fikur nga asnjë cilësim: shpallja nuk u aprovua, u hoq nga stafi ose pret aprovim pas ndryshimit; stafi e përditësoi shpalljen tënde; vërejtja; bllokimi dhe çbllokimi; email-i ose fjalëkalimi u ndryshua nga stafi; dhe për reklamuesit — reklama nuk u aprovua, po mbaron, u ndal nga stafi, ose fatura është gati.
• Me email nëse e ke lënë ndezur «Njoftime me email»: shpallja u aprovua ose u promovua; skadon së shpejti, u shënua e skaduar, promovimi mbaron; pagesa u konfirmua, porosia u anulua; aplikimi nuk u aprovua, llogaria u verifikua ose u bë biznes; përgjigjja e suportit; shpallja e re e biznesit që ndjek; kërkimi i ruajtur dhe kërkesa gjetën diçka; ke marrë një vlerësim ose një vlerësim yti u hoq; reklama u aprovua, është në ekran ose doli nga ekrani.
• Vetëm te zilja, kurrë me email: dikush e ruajti shpalljen, raportimi yt u shqyrtua, verifikimi ose statusi biznes u hoq, lajmërimet e ekipit, dhe përgjigjja ndaj vlerësimit tënd.

Te Profili → Cilësimet, seksioni «Njoftimet», fike ndërruesin «Njoftime me email» dhe shtyp «Ruaj ndryshimet». Është një kuti e vetme për të gjitha email-et opsionale — aprovime, porosi, kujtesa skadimi, ndjekje, kërkime dhe vlerësime — dhe e kthen kurdo në të njëjtin vend.

Njoftimet te zilja mbeten të gjitha; kutia prek vetëm email-in.

Të njëjtën gjë si ndërruesi te cilësimet: e fik kutinë «Njoftime me email». Punon pa hyrje — hap një faqe që pyet «Fik njoftimet me email?» dhe shtyp «Po, fiki»; nëse e hape pa dashje, ke edhe «Jo, hap cilësimet». Klientët e email-it që e njohin çabonimin me një klikim mund ta shfaqin edhe si buton «Unsubscribe» pranë dërguesit.

Lidhja nuk lexon asgjë nga llogaria dhe nuk të kyç — mund vetëm ta fikë atë kuti. E rindez kurdo te Profili → Cilësimet.

Jo në çast. Email-et e njoftimeve nisen një herë në ditë, në mëngjes — secili njoftim si email më vete, me titullin e tij si subjekt. Prandaj një shpallje e aprovuar pasdite të vjen te zilja menjëherë, kurse me email të nesërmen. Njoftimi te zilja vjen gjithmonë i pari, në kohë reale.

Përjashtim bën email-i i mesazhit të parë të një bisede: ai niset menjëherë sapo dërgohet mesazhi.

• Dosjen Spam ose Promocione: dërguesi është gjithmonë njoftime@supershpejt.com — shtoje te kontaktet.
• Kutinë «Njoftime me email» te Profili → Cilësimet: mund ta kesh fikur vetë, ose ta ketë fikur një klikim mbi «Shkëputu» te një email i mëparshëm.
• Llojin e njoftimit: disa vijnë vetëm te zilja — ruajtjet e shpalljes, raportimi i shqyrtuar, lajmërimet, përgjigjja ndaj vlerësimit — dhe për to email nuk dërgohet kurrë.
• Orën: email-et nisen një herë në ditë, në mëngjes; njoftimi i pasdites vjen të nesërmen. Vetëm email-i i mesazhit të parë niset menjëherë.
• Për kërkimin e ruajtur: duhet të jetë ndezur edhe «Njoftomë me email» te vetë kërkimi, jo vetëm kutia e cilësimeve.

Nëse asgjë nga këto nuk përputhet, hap një tiketë dhe na thuaj cilin njoftim prisje dhe kur — te zilja e sheh gjithsesi, edhe pa email.

Fshirje me dorë nuk ka. Njoftimin e shënon si të lexuar duke e hapur, ose të gjitha njëherësh me «Shënoji të gjitha». Një njoftim i lexuar nuk kthehet më i palexuar.

Pastrimi bëhet vetvetiu: një njoftim i lexuar hiqet 90 ditë pas leximit, dhe çdo njoftim hiqet 180 ditë pas krijimit edhe pa u lexuar.

Një njoftim që ekipi i SuperShpejtit ua dërgon të gjithë përdoruesve, ose vetëm bizneseve — për ndryshime të platformës, mirëmbajtje a rregulla të reja. Del te zilja si çdo njoftim tjetër dhe llogaritet te numri i palexuarve derisa ta hapësh.

Vetëm një person që ka llogari të verifikuar dhe që ka pasur bisedë me ty për një shpallje — bisedë ku keni shkruar të dy, jo vetëm njëri.

Prandaj vlerësimet këtu janë të pakta. Një klikim mbi «Kontakto» nuk mjafton: kërkohet një veprim edhe nga ana tjetër, dhe atë një llogari e sajuar nuk e prodhon dot vetëm.

• Nuk je i kyçur, ose llogaria jote nuk është e verifikuar ende.
• Nuk ka një bisedë me atë person ku të keni shkruar të dy.
• E ke vlerësuar atë person brenda gjashtë muajve të fundit.

Butoni nuk fshihet asnjëherë pa shpjegim: arsyeja shkruhet poshtë tij.

Kur rruga është e hapur — llogari e verifikuar dhe bisedë ku keni shkruar të dy — te kreu i bisedës del shiriti «Si shkoi me @emri?» me lidhjen «Vlerëso». Shiriti nuk shfaqet fare kur rruga është e mbyllur; arsyen e lexon te profili i personit, poshtë butonit «Vlerëso».

Si shitës, pas «Shënoje si të shitur» merr ftesën për të vlerësuar personin me të cilin u more vesh, me butonin «Bisedat»: të çon te bisedat e asaj shpalljeje, ku e zgjedh vetë personin — platforma nuk e di se me kë u more vesh.

Një herë çdo gjashtë muaj, edhe nëse keni bërë disa marrëveshje për shpallje të ndryshme. Kufiri numërohet nga një gjurmë që ruhet veçmas, ndaj as fshirja e vlerësimit nga stafi nuk e rikthen të drejtën.

Ai person mund të të vlerësojë ty veçmas: janë dy vlerësime të ndryshme, nga dy persona të ndryshëm.

Po, brenda 24 orëve — ose derisa personi të përgjigjet, cila të vijë e para. Një koment i rishkruar pasi tjetri i është përgjigjur do t'i vinte fjalë në gojë.

Jo. Një vlerësim nuk është sinjal i yti si të preferuarat ose historia e shikimeve — është fjalë publike mbi një person tjetër, dhe ai ka ndërtuar mbi të një përgjigje dhe një mesatare.

Po të fshihej me një klikim, «hiqe ose të lë një yll» nuk do të kushtonte asgjë. Nëse ke shkruar diçka të pasaktë, ndryshoje brenda 24 orëve; nëse dikush të ka shkruar diçka të padrejtë, raportoje.

Nën çdo vlerësim që merr ke lidhjen «Përgjigju». Përgjigjja është publike, deri 200 shenja, dhe jepet një herë e vetme — pas dërgimit nuk ndryshohet dhe nuk fshihet.

Nën vlerësimin ka lidhjen «Raporto». Zgjedh një nga shtatë arsyet — vlerësim i rremë, përmbajtje ofenduese, të dhëna personale, shantazh ose shkëmbim vlerësimesh, reklamë, jashtë teme, ose tjetër.

Ekipi i moderimit e shqyrton brenda 24 orëve. Nëse vlerësimi hiqet, ai zhduket nga profili yt dhe nga mesatarja; autori njoftohet me arsyen, dhe heqja mund të sjellë vërejtje. Tri vërejtje brenda gjashtë muajve e bllokojnë llogarinë vetvetiu.

Mesatarja shfaqet nga tri vlerësime e tutje. Me një ose dy, tregohet vetëm numri.

Arsyeja është e njëjta si te «Në trend» dhe te numëruesi i kërkesave: me dy vlerësime, një mesatare është përshkrim i dy personave të identifikueshëm — dhe një «5,0 nga 5» me një vlerësim të vetëm nuk i thotë asgjë askujt.

Vlerësimet që ke MARRË janë të gjitha te profili yt publik, për këdo. Vlerësimet që ke SHKRUAR rrinë te profilet e atyre personave, secili te i veti — nuk ka asnjë faqe që i mbledh të gjitha bashkë.

Te fundi i çdo shpalljeje ka lidhjen «Raporto shpalljen». Zgjedh një nga shtatë arsyet — «Mashtrim ose spam», «Produkt i ndaluar», «Çmim ose përshkrim i rremë», «Përmbajtje ofenduese», «Dublikat i një shpalljeje tjetër», «Kategoria e gabuar» ose «Tjetër» — dhe, nëse do, shkruan detaje deri 1000 shenja.

Ekipi i moderimit e shqyrton çdo raportim brenda 24 orëve. Vlerësimet raportohen veçmas, me «Raporto» poshtë secilit dhe me arsye të tyret.

Raportimi hyn drejt te radha e ekipit të moderimit. Nuk shfaqet askund te faqja, nuk ka listë «raportimet e mia», dhe pala e raportuar nuk njoftohet dhe nuk e mëson kush e bëri.

Kur stafi e mbyll rastin, te zilja të vjen njoftimi «Raportimi u shqyrtua». Ai thotë vetëm se u shqyrtua, jo çfarë u vendos. Kjo është me qëllim: po të tregonim vendimin, raportimi do të bëhej mjet presioni mbi tjetrin. Për këtë njoftim nuk dërgojmë email.

Jo. Raportimin e sheh vetëm ekipi i moderimit; pala e raportuar nuk njoftohet as për raportimin, as për autorin e tij. Raportimi kërkon llogari dhe bëhet një herë e vetme për të njëjtën shpallje — edhe pasi stafi e ka mbyllur rastin.

• Nuk je i kyçur — dialogu hapet, por dërgimi të çon te faqja e hyrjes.
• E ke raportuar tashmë atë shpallje ose atë vlerësim. Një raportim për person, për të njëjtin objekt.
• Ke dërguar 10 raportime brenda 24 orëve; shpalljet dhe vlerësimet numërohen bashkë.
• Llogaria jote është e bllokuar: një llogari e bllokuar nuk raporton të tjerët — kanali i saj është tiketa e suportit.

Jo drejtpërdrejt — te profili nuk ka buton «Raporto përdoruesin». Raportohet shpallja e tij, ose vlerësimi që ka shkruar. Stafi ndërhyn te llogaria, jo vetëm te shpallja: vërejtjet dhe bllokimi i përkasin personit.

Kur problemi është te bisedat — kërcënim, mashtrim me para — raporto shpalljen për të cilën po flisni dhe hap një tiketë me identifikuesin e saj: stafi lexon vetëm bisedat që lidhen me atë raportim. Bllokim përdoruesi nga ana jote dhe fshirje bisede ende nuk ofrohen. Për vepra penale drejtohu Policisë së Kosovës, 192.

Vërejtja është shënimi që të lë ekipi i SuperShpejtit kur diçka te shpalljet ose te sjellja jote bie ndesh me rregullat. Ka gjithmonë një arsye nga një listë e mbyllur — spam ose shpallje të përsëritura, mashtrim, produkt i ndaluar, çmim ose përshkrim i rremë, përmbajtje ofenduese, kontakt abuziv, shpallje dublikate, vlerësim i rremë, ose tjetër — dhe, kur stafi e ka shkruar, një shënim.

I sheh te Profili → Vërejtjet. Aty shkruhet «N nga 3 vërejtje aktive», dhe çdo vërejtje mban një nga tri shenjat: «Aktive»; «Nuk numërohet më» — kanë kaluar 180 ditë, ose stafi ta ka hequr bllokimin me dorë; ose «E hequr nga stafi». Vërejtjet nuk fshihen kurrë; stafi vetëm mund t'i heqë.

Në dy mënyra. Vetvetiu: sapo ke 3 vërejtje aktive brenda 180 ditëve, llogaria bllokohet në çast, pa vendim të dytë. Me vendim të stafit: për raste të rënda, edhe pa tri vërejtje; atëherë arsyen e shkruan stafi.

Në të dyja rastet, në të njëjtin çast: shpalljet e tua aktive, në pritje dhe të shitura arkivohen; profili yt publik nuk hapet më; merr njoftimin «Llogaria u bllokua» te zilja dhe me email. Në krye të çdo faqeje del shiriti «Llogaria jote është e bllokuar.» me lidhjen «Shiko arsyen».

Hyn normalisht — bllokimi nuk të nxjerr nga llogaria, pikërisht që ta lexosh arsyen dhe të ankohesh. Faqja «Llogaria jote është e bllokuar» tregon arsyen dhe vërejtjet e tua.

• Shfleton çdo shpallje si më parë.
• Lexon mesazhet e vjetra, të preferuarat, njoftimet dhe vërejtjet.
• Sheh dhe fshin shpalljet e tua — por nuk i ndryshon, nuk i arkivon dhe nuk i shënon si të shitura.
• Hap tiketë te suporti dhe i përgjigjesh asaj.
• Nuk publikon dhe nuk ndryshon shpallje, as nuk ngarkon foto.
• Nuk hap biseda të reja dhe nuk shkruan mesazhe.
• Nuk raporton, nuk vlerëson dhe nuk i përgjigjesh një vlerësimi.
• Nuk ruan të preferuara, kërkime apo kërkesa, dhe nuk ndjek biznese.
• Nuk ndryshon cilësimet e profilit as foton.
• Nuk blen paketa dhe nuk aplikon për verifikim a biznes.

Me një tiketë te suporti — edhe kur je i bllokuar, tiketat mbeten të hapura me qëllim. Te faqja e bllokimit ke butonin «Hap një ankesë»; te Vërejtjet ke lidhjen për te suporti. Shkruaj cilën vërejtje e kundërshton dhe pse.

Stafi e rishikon secilën vërejtje dhe mund ta heqë — atëherë ajo merr shenjën «E hequr nga stafi» dhe nuk numërohet më. Nëse bllokimi ishte automatik dhe mbeten më pak se 3 vërejtje aktive, llogaria kthehet aktive vetvetiu. Bllokimin e vendosur me dorë e heq vetëm stafi.

Sepse heqja e bllokimit dhe kthimi i shpalljeve janë dy vendime të veçanta. Njoftimi «Bllokimi u hoq» të thotë se llogaria është aktive sërish dhe se shpalljet e arkivuara i riaktivizon te Shpalljet e mia.

Stafi e di saktësisht cilat shpallje i arkivoi bllokimi — jo ato që i kishe arkivuar vetë — dhe mund t'i kthejë me një veprim, secilën në gjendjen ku ishte. Nëse nuk e bën, i riaktivizon ti nga menyja me tre pika; me llogari të paverifikuar ato rikalojnë nga shqyrtimi.

Do të thotë se stafi e arkivoi sepse shkel rregullat. Merr njoftimin «Shpallja u hoq nga stafi» te zilja dhe me email — ky email nuk fiket — bashkë me shënimin e stafit kur e ka shkruar. Shpallja del nga listimet publike dhe rri te Profili → Shpalljet e mia, te skeda «Të arkivuara».

Nëse nuk e kupton arsyen ose nuk je dakord, hap një tiketë me identifikuesin e shpalljes. Mos e ripublikosh të njëjtën gjë pa e ndrequr: përsëritja sjell vërejtje, dhe tri vërejtje e bllokojnë llogarinë.

• Takohu në vend publik dhe kontrollo produktin para se të paguash.
• Mos dërgo paradhënie, depozitë a «rezervim» te dikush që nuk e ke takuar.
• Mos jep kurrë kode verifikimi që të vijnë me SMS, as të dhëna bankare.
• Ruaji bisedat brenda platformës — janë provë nëse diçka shkon keq.
• Nëse çmimi është shumë nën treg dhe pala nxiton, ndalu.

Armë, drogë, medikamente me recetë, dokumente zyrtare, kafshë të mbrojtura, produkte të falsifikuara ose të vjedhura, përmbajtje për të rritur, të dhëna personale dhe skema investimi me fitim të garantuar. Lista e plotë është te rregullat e publikimit.

Është kontrolli kundër botëve. E has te hyrja, regjistrimi, lidhja e hyrjes për vizitorin te «Shto shpallje», rikthimi i fjalëkalimit dhe te forma e tiketës së re. Shpallja, mesazhet dhe raportimi nuk e kanë.

Butoni i dërgimit mbetet i çaktivizuar derisa kontrolli të kalojë. Kodi që jep vlen për një dërgim të vetëm: nëse dërgimi dështon ose kontrolli skadon, ai rinis vetë — provo sërish, dhe nëse ngec, rifresko faqen.

Del kur po bëjmë punime të shkurtra te platforma. Shpalljet, mesazhet dhe llogaria jote janë të paprekura — kthehu pas pak dhe gjithçka do të jetë aty. Sa zgjat mirëmbajtja, lidhjet e emailit vazhdojnë të punojnë, por hyrja në llogari nuk të hap asgjë tjetër.

• Shpalljet e tua dalin publike menjëherë, pa pritur moderimin.
• Kufijtë ditorë rriten — shpallje, biseda, kërkesa, kërkime me AI dhe vlerësime çmimi.
• Pranë emrit tënd shfaqet shenja «I verifikuar», që blerësit e vërejnë.
• Mund të shkruash vlerësime — për një person me të cilin ke pasur bisedë ku keni shkruar të dy.
• Është hapi i parë për llogarinë biznes: aplikimi si biznes hapet vetëm pas verifikimit.

Emri i plotë si në dokument, lloji dhe numri i dokumentit (letërnjoftim, pasaportë ose patentë shoferi), data e lindjes, telefoni, fotoja e anës së parë të dokumentit (ana e pasme është opsionale, sidomos për pasaportë) dhe një selfie duke e mbajtur dokumentin, ku fytyra dhe dokumenti duken qartë bashkë.

Te menyja e llogarisë (fotoja lart djathtas): «Verifiko identitetin» dhe «Apliko si biznes». Secili zë zhduket sapo e ke statusin përkatës. Butonin «Apliko si biznes» e ke edhe te Profili → Cilësimet, seksioni «Llogari biznesi».

Pas çdo publikimi me llogari të zakonshme të del edhe këshilla për verifikim, sepse shpallja jote pret moderimin.

Fillimisht verifiko identitetin, pastaj plotëso aplikimin e biznesit: emri, veprimtaria, numri unik i biznesit (NUI/ARBK), komuna, telefoni dhe, nëse do, adresa, ueb-faqja dhe një përshkrim.

Pas aprovimit fiton shenjën «Biznes», te shpalljet dhe te profili del emri i firmës në vend të emrit tënd, del te filtri «Biznese» i kërkimit dhe ke kufij edhe më të lartë. Hapet edhe «Vitrina e biznesit»; sapo ajo aprovohet, përdoruesit mund të të ndjekin, dhe me 3 shpallje aktive del te direktoria «Bizneset».

Janë dy shenja të ndara, nga dy aplikime të ndryshme. «I verifikuar» vjen nga verifikimi i identitetit dhe thotë se pas llogarisë është një person real me dokument. «Biznes» vjen nga aplikimi si biznes dhe thotë se llogaria shet si firmë — te shpalljet dhe te profili shfaqet emri i firmës, jo emri personal.

Të dyja dalin te kartela e shitësit brenda shpalljes dhe te profili publik. Vetëm verifikimi mjafton për të publikuar pa shqyrtim; biznesi shton mbi të vitrinën, direktorinë, ndjekësit dhe kufijtë më të lartë.

Aplikimet i shqyrton stafi sa më shpejt. Mund të kesh vetëm një aplikim në pritje për çdo lloj dhe nuk tërhiqet dot pasi është dërguar.

Jo vetë — e bën stafi. Kërkoje me një tiketë ndihme nga llogaria jote.

Kur hiqet statusi biznes, merr njoftimin «Statusi biznes u hoq»: kufijtë ditorë kthehen te niveli i mëparshëm, vitrina zhduket nga profili dhe nga «Bizneset», dhe askush nuk të ndjek dot më. Kur hiqet verifikimi, shpalljet e reja dhe ndryshimet e tyre kalojnë sërish nga shqyrtimi.

Po. Te Profili → Cilësimet, seksioni «Llogari biznesi», fusha «Emri i biznesit» (deri në 80 shenja). Ruhet me «Ruaj ndryshimet», nuk kalon nga shqyrtimi, dhe shfaqet menjëherë te shpalljet e tua, te profili dhe te «Bizneset» në vend të emrit tënd personal.

Kufij vëllimi kundër skripteve, jo kufij çmimi — përdorimi i zakonshëm nuk i prek. Dritarja është rrëshqitëse: 24 orë nga çdo veprim, jo nga mesnata, dhe fshirja nuk e liron numëruesin.

Vitrina është faqja e firmës mbi profilin tënd publik: logo dhe kopertinë, moto, veprimtaria, komuna dhe adresa, telefon dhe email publik, rrjetet sociale, orari me shenjën «Hapur tani» dhe deri në 3 shpallje të ngulitura. E kanë vetëm llogaritë biznes.

E redakton te «Vitrina e biznesit» — e gjen te menyja e llogarisë, si kartelë te Profili → Cilësimet, ose me butonin «Redakto vitrinën» te vitrina jote publike. Pas aprovimit si biznes forma të pret gjysmë e plotësuar nga aplikimi. Fusha e vetme e detyrueshme është «Veprimtaria».

Sepse çdo ndryshim i vitrinës kalon nga stafi, njësoj si shpalljet e një llogarie të zakonshme. Kur shtyp «Dorëzo për shqyrtim», ndryshimi hyn te radha dhe forma të tregon banderolën «Në pritje të shqyrtimit»; vizitorët vazhdojnë të shohin versionin e mëparshëm — ose asnjë vitrinë, nëse është dorëzimi i parë.

• Mund të kesh vetëm një ndryshim në pritje: dorëzimi i dytë refuzohet.
• Deri në 3 dorëzime brenda 24 orëve, njësoj për çdo nivel llogarie.
• Orari është përjashtim: ruhet menjëherë me «Ruaj orarin», pa shqyrtim.

Nëse refuzohet, merr te zilja njoftimin «Vitrina nuk u aprovua» me arsyen kur stafi e ka shkruar; e njëjta arsye shfaqet edhe mbi formë. Ndryshoje dhe dorëzoje sërish. Për aprovimin nuk vjen njoftim: e sheh te faqja, ku nëntitulli bëhet «Vitrina jote është publike te profili dhe te Bizneset.»

Gjashtë fusha lidhjesh — «Ueb-faqja», «Facebook», «Instagram», «TikTok», «YouTube», «LinkedIn» — plus «WhatsApp» dhe «Viber», që shkruhen si numra telefoni, jo si lidhje.

• Çdo lidhje duhet të çojë te vetë rrjeti: Facebook te facebook.com, Instagram te instagram.com, e kështu me radhë. Ueb-faqja pranon çdo domen. Vetëm https:// — nëse e shkruan pa të, shtohet vetë.
• Mund të shkruash vetëm @emri — forma e kthen vetë te lidhja e plotë sapo del nga fusha.
• Parametrat e gjurmimit që ngjiten kur kopjon lidhjen hiqen vetë.
• WhatsApp dhe Viber: shkruaj numrin; pa prefiks ndërkombëtar merret +383.

Te seksioni «Orari» i vitrinës: për çdo ditë shtyp «Shto orar», cakto hapjen dhe mbylljen, dhe me «+ interval» shton një interval të dytë për pushimin e drekës (deri në dy për ditë). «Mbyllur» e heq ditën. Në fund «Ruaj orarin»: ruhet në çast, pa shqyrtim, sepse është e vetmja pjesë e vitrinës që nuk ka çfarë të moderohet.

Nga orari del te vitrina shenja «Hapur tani», ose «Hapet sot në 15:00» e «Mbyllur», bashkë me «Orari i plotë»; te kartela në «Bizneset» del vetëm «Hapur tani» ose «Mbyllur», dhe mbi të punon filtri «Hapur tani». Llogariten gjithmonë në orën e Kosovës, jo sipas shfletuesit të vizitorit.

Te «Bizneset» del çdo llogari biznesi që ka vitrinën të aprovuar dhe së paku 3 shpallje aktive të pa-skaduara. Nuk paguhet dhe nuk kërkohet asgjë tjetër. Sapo bie nën 3, biznesi del nga lista derisa të shtojë ose të rifreskojë shpallje.

Renditja e parazgjedhur është «Më aktivët» — sipas numrit të shpalljeve aktive, pastaj sipas shpalljes më të fundit. Alternativat janë «Më të rinjtë» dhe «Sipas emrit». Direktoria nuk rendit sipas vlerësimeve, shikimeve, ndjekësve apo paketave të promovimit — pra sipas asaj që shet, jo asaj që paguan.

• Filtrat: «Kërko biznes», «Komuna», «Veprimtaria», «Shet në kategorinë», «Hapur tani» dhe «Vetëm të verifikuar».
• Çdo komunë ka faqen e vet, p.sh. /bizneset/prishtine.
• Kartela tregon logon, veprimtarinë, komunën, numrin e shpalljeve aktive, «Biznes prej …», numrin e ndjekësve, shenjat dhe deri në tri ikona rrjetesh.

Se në 90 ditët e fundit biznesi u është përgjigjur së paku 10 blerësve që i shkruan të parët, dhe përgjigjen e parë e jep, në medianë, brenda një ore. Nën 10 shenja thjesht nuk shfaqet — as «pa të dhëna» — që një biznes i vogël të mos ndëshkohet për diçka që ende s'matet.

Te vitrina e biznesit — faqja e profilit të tij — ke butonin «Ndiq»; kur e shtyp bëhet «Po ndjek». Duhet llogari: pa të, të del ftesa për të hyrë.

Sapo biznesi publikon një shpallje, merr njoftim te zilja me titullin e saj. Vjen menjëherë, sepse bizneset publikojnë pa moderim. Nëse publikon disa para se ta hapësh njoftimin, ato bashkohen në një. Me email vjen vetëm nëse i ke «Njoftime me email» të ndezura.

Shpalljet më të reja të bizneseve që ndjek dalin edhe te «Për ty», te seksioni «Nga shitësit që ndjek», dhe peshojnë pak më shumë te lista jote e personalizuar.

Jo. Biznesi sheh vetëm numrin e ndjekësve te statistikat e veta, dhe i njëjti numër del publikisht te vitrina dhe te kartela në «Bizneset». Lista e emrave nuk i tregohet askujt.

Një faqe me bizneset që ndjek ende nuk ofrohet. I sheh përmes shpalljeve të tyre te «Për ty», dhe çndjekjen e bën nga vitrina e biznesit, duke shtypur sërish «Po ndjek».

• Shikime të vitrinës dhe shikime të shpalljeve.
• Të preferuara — sa herë janë ruajtur shpalljet e tua aktive.
• Ndjekës — vetëm numri.
• Biseda të 30 ditëve të fundit.
• Shpallje aktive, me numrin e atyre të skaduara në kllapa.
• Koha mesatare e përgjigjes — vetëm kur ka mjaft biseda për t'u matur.

I sheh vetëm ti, te «Vitrina e biznesit», dhe vetëm si numra: nuk të tregojmë kush e hapi vitrinën, kush të ndoqi apo çfarë kërkoi. Shikimet numërohen pa emër dhe vizitat e tua nuk numërohen.

• Premium — 5 € për javë ose 15 € për muaj.
• Ultra — 50 € për javë ose 150 € për muaj.

Zgjedhja mujore kursen sa një javë krahasuar me katër javë të veçanta.

Plani «Sipas masës» nuk ka çmim fiks: çdo shërbim i zgjedhur ka çmimin e vet dhe shuma bihet dakord me suportin pas një bisede.

Plani i tretë te Paketat, për shpalljet ku Premium dhe Ultra s'mjaftojnë. Ti zgjedh shërbimet që do — fotografi profesionale, video me dron 8K, Ultra e shumëfishuar 2 deri në 5 herë, influencerë, spot te Ekrani, dhe një email, njoftim ose SMS te përdoruesit që i pranojnë — dhe cakton kur mund të të kontaktojmë.

Kërkesa dërgohet si tiketë suporti me gjithçka që ke zgjedhur. Suporti të kontakton në orarin që ke lënë, bini dakord për çmimin dhe planin, dhe vetëm pastaj nis puna. Kërkesa vetë nuk është porosi dhe nuk ka asnjë detyrim.

Premium i jep shpalljes kornizë ari me vulën e vet, vendin e parë brenda kategorisë ku ndodhet, dhe publikim te faqet tona në Facebook, Instagram, X, Threads e TikTok — një herë te paketa javore, katër herë te ajo mujore.

Ultra i shton mbi këto një reklamë të paguar në Facebook, drejtuar njerëzve në Kosovë që kërkojnë atë kategori, renditje mbi shpalljet Premium, dhe kornizën e kobaltit me vulën Ultra.

Pagesa online ende nuk është aktive. Kur zgjedh një paketë, krijohet një porosi me statusin «Në pritje». Te Profili → Porositë shtyp «Paguaj — kontakto suportin»: formulari i tiketës del i parambushur me numrin e porosisë, e dërgon, dhe suporti të tregon mënyrat e pagesës.

Pasi konfirmohet pagesa, stafi e shënon porosinë «E paguar» dhe pastaj vë nivelin te shpallja — për të dyja merr njoftim.

Promovimi nis kur stafi i vë vulën shpalljes, pasi ka konfirmuar pagesën — jo kur bën porosinë dhe as kur paguan. Afati (7 ditë për paketën javore, 30 për mujoren) numërohet nga ai çast.

Për të dyja hapat merr njoftim te zilja: «Pagesa u konfirmua» kur porosia shënohet «E paguar», dhe «Shpallja u promovua» — me datën e mbarimit — kur vihet vula.

Shpallja kthehet vetvetiu në pamjen e zakonshme: korniza dhe vula zhduken menjëherë, vendi i parë në renditje bie brenda ditës. Asgjë nuk rinovohet vetë, nuk ka kontratë dhe nuk të hiqet asnjë cent.

Deri në 3 ditë para fundit të vjen njoftimi «Promovimi mbaron së shpejti» me datën e saktë. Nëse do ta vazhdosh, bën një porosi të re te faqja e paketave — porosia e vjetër e paguar nuk të pengon.

Sepse ajo shpallje ka tashmë një porosi «Në pritje» për të njëjtin nivel. Te lista e shpalljeve del shenja «Porosi Premium në pritje» (ose Ultra) dhe butoni bëhet «Shiko porosinë e hapur».

Aty ke dy rrugë: paguaje, ose anuloje dhe bëj porosinë e re. Kufiri vlen për nivel — një Premium dhe një Ultra në pritje për të njëjtën shpallje lejohen bashkë, por paguhen të dyja dhe vlen vetëm më e larta.

Nga menyja me tre pika te Shpalljet e mia zgjedh «Ngri në Ultra» — dialogu të ofron vetëm Ultra-n, me javë ose muaj. Krijohet një porosi e re Ultra, që paguhet si çdo tjetër, dhe stafi e vendos nivelin e ri pasi konfirmohet pagesa.

Ultra është niveli më i lartë: për një shpallje Ultra menyja nuk ofron ngritje. Afati i Ultra-s numërohet nga çasti i aktivizimit; koha e mbetur e Premium-it nuk shtohet mbi të.

Po, përderisa është ende «Në pritje» — butoni «Anulo» ndodhet te Profili → Porositë. Pasi porosia shënohet e paguar, anulimi bëhet vetëm përmes suportit.

Porosia pranohet për çdo shpallje tënden. Por promovimi ndryshon vetëm renditjen dhe pamjen aty ku shpallja tashmë shfaqet: një shpallje «Në pritje» ose «E arkivuar» nuk del te kërkimi as me paketë.

Prandaj oferta «Promovo shpalljen» pas publikimit të del vetëm kur shpallja doli publike menjëherë; nëse shkoi te moderimi, promovoje pasi të aprovohet — kështu nuk humbet asnjë ditë të paketës.

• Te rezultatet e kërkimit dhe te faqet e kategorive: Ultra para Premium-it, Premium para të tjerave — para renditjes që zgjedh blerësi.
• Te rreshti «Shpallje të promovuara» i kryefaqes (deri në 8 vende, jo të garantuara) dhe te filtri «Vetëm të promovuara».
• Te karta: kornizë ari (Premium) ose kobalti (Ultra), shirit i hollë lart dhe vula me emrin e nivelit.
• Te faqja e shpalljes: banderola «Shpallje Premium» ose «Shpallje Ultra».

Nuk vlen te «Shpalljet më të reja» e kryefaqes — që të mos përsërisë rreshtin e të promovuarave — dhe as te «Për ty», ku renditja nuk e sheh fare pagesën.

Shpallja ngrihet mbi të tjerat te rezultatet e kërkimit dhe te faqja e kategorisë, merr një shenjë që bie në sy dhe mund të hyjë te rreshti «Shpallje të promovuara» i kryefaqes — ai mban deri në tetë shpallje, të renditura sipas nivelit dhe freskisë, pra vendi aty nuk garantohet.

Paketa javore vlerëson rreth 35 000 shikime të targetuara, mujorja rreth 140 000. Reklama u drejtohet njerëzve në Kosovë që kërkojnë atë kategori.

• «Pagesa u konfirmua» — kur stafi e shënon porosinë «E paguar».
• «Porosia u anulua» — vetëm kur e anulon stafi; për anulimin tënd nuk ka njoftim.
• «Shpallja u promovua» — kur vihet vula, me datën e mbarimit.
• «Promovimi mbaron së shpejti» — deri në 3 ditë para fundit.

Të katërta vijnë edhe me email nëse e ke lënë të ndezur «Njoftime me email». Për mbarimin e afatit dhe për heqjen e promovimit nga vetë ti nuk dërgohet njoftim.

Po — «Hiq promovimin» te menyja me tre pika te Shpalljet e mia, me një konfirmim. Heqja është e menjëhershme dhe pa rimbursim: koha e mbetur humbet, porosia e paguar mbetet siç është, shpallja nuk kalon nga moderimi për këtë, dhe nuk merr njoftim — e sheh vetëm te lista, ku vula zhduket.

Ekrani është bilbordi digjital i SuperShpejtit: një bilbord i vetëm me një numër të kufizuar vendesh njëkohësisht, ku spotet video rrotullohen me radhë. Sa vende ka dhe sa prej tyre janë të zëna i sheh te faqja e Ekranit — numri i të zënave llogaritet nga rezervimet aktive në atë çast.

• Faqja e Ekranit — muri i plotë, me radhën e vendeve dhe kontrollet e luajtjes.
• Mënyra TV — e njëjta listë pa navigim, për një televizor që rri hapur gjithë ditën te një lokal.
• Gjatë shfletimit — një spot i vetëm që del rrallë mbi faqen që po lexon, vetëm kur ne e kemi ndezur atë sipërfaqe dhe vetëm nëse ke pranuar «Marketing» te cookie-t.

Te muri dhe te mënyra TV mbi spotin shkruhet një adresë e shkurtër që mund ta shtypësh me dorë nga një televizor. Kur spoti ka lidhje, ka edhe butonin «Vizito faqen». Vendet e lira nuk fshihen: duken si «Vend i lirë» dhe të çojnë te rezervimi.

• Tremujor — 100 € për 91 ditë (13 javë të plota).
• Gjysmëvjetor — 200 € për 182 ditë (26 javë).
• Vjetor — 400 € për 364 ditë (52 javë).

Java kushton njësoj te të tria, pra plani i shkurtër nuk ndëshkohet dhe i gjati nuk të shet asgjë veç kohës. Nuk ka nivele: çdo rezervim merr të njëjtin vend, të njëjtin spot, dhe del te muri, te mënyra TV dhe — kur ajo sipërfaqe është e ndezur — gjatë shfletimit, pa pagesë shtesë.

Mund ta kufizosh spotin te disa orë të javës — gjithë kohën, vetëm ditën ose vetëm mbrëmjen. Orët ia thua stafit kur rezervon.

• Dërgo spotin te paneli «Fushatat e mia», me formën «Dërgo një spot». Nëse s'e ke gati, hap një tiketë te suporti.
• Stafi e shikon spotin deri në sekondën e fundit, kundër rregullave dhe specifikimit teknik.
• Të vjen fatura: njoftim te zilja dhe email. Butoni «Paguaj» të del te «Fushatat e mia» — kurrë brenda emailit.
• Pas pagesës stafi e konfirmon me dorë: rezervimi bëhet «Aktive» dhe spoti hyn në rrotacion.

Para se të dërgosh, shiko kalendarin «Çfarë kam të lirë» te faqja e rezervimit: javët e ardhshme, secila me vendet që mbeten. Numri i zënë është maksimumi brenda javës, jo mesatarja — një javë e plotë vetëm të hënën nuk është e lirë.

MP4, H.264 (High/Main, 8-bit, yuv420p), audio AAC ose pa audio, 1920×1080 ose 1280×720, raport 16:9, deri 15 sekonda, deri 2,5 Mbps, deri 8 MB. Te faqja e rezervimit ke butonin «Kopjo specifikimin» — çoja atij që ta bën videon.

• Kohëzgjatja: nga 3 deri 20 sekonda; 15 është rekomandimi, që cikli i plotë të mbetet i shkurtër.
• Përmasat: gjerësi 1280–1920 px, lartësi 720–1200 px, raport 16:9.
• Skedari: deri 8 MB. Nëse është më i madh, ul bitrate-in ose eksporto në 1280×720.
• Zëri nuk niset kurrë vetë — nëse spoti ka të folur, titrat duhen të ngulitura në video.

Një spot në pritje njëherësh: derisa stafi t'i përgjigjet të parit, forma fshihet dhe faqja tregon «Spoti po pritet». Nëse arrin ta dërgosh sërish ndërkohë, merr «Ke tashmë një spot në pritje».

Nëse spoti refuzohet, te «Fushatat e mia» del arsyeja e stafit dhe forma rihapet që ta dërgosh versionin e ri.

Pagesa online me kartë nuk është aktive ende. Kur rezervimi është gati, stafi ngjit një link pagese te rezervimi yt dhe ti merr njoftimin «Fatura e reklamës është gati» — te zilja dhe gjithmonë me email. Emaili nuk mban asnjë link pagese.

Butoni «Paguaj» të del vetëm te «Fushatat e mia». Krah tij shkruhet ku të çon — lexoje para se të klikosh. Pagesën e konfirmon stafi me dorë, dhe atëherë rezervimi bëhet «Aktive».

• Spotin me poster-in, emrin, statusin, kohëzgjatjen, përmasat dhe kodin e shkurtër; kur është refuzuar, arsyen.
• Periudhat: datat, plani, çmimi, «Edhe N ditë», statusi dhe butoni «Paguaj» kur pret pagesë.
• Matjen e 30 ditëve të fundit: «Shfaqje», «Shikues», «E panë deri në fund», «Klikime», «CTR», grafikun ditor dhe ndarjen sipas sipërfaqes.

Numrat rrotullohen një herë në ditë, ndaj dita e sotme hyn nesër. Kur një ditë ka më pak se tre shikues të dallueshëm, shfaqet «< 3»: një numër aq i vogël do të tregonte me gisht persona, jo tendencë.

Një shfaqje numërohet vetëm kur plotësohen të katërta njëherësh: skeda është e dukshme, të paktën gjysma e kornizës ka qenë brenda pamjes, për të paktën një sekondë të pandërprerë, dhe videoja ka luajtur vërtet të paktën dy sekonda — jo vetëm poster-i.

I njëjti vizitor numërohet një herë për orë për çdo sipërfaqe: dikush që e sheh spotin tetë herë brenda një ore regjistron një shfaqje, jo tetë. Vizitori njihet nga një kod javor i pakthyeshëm i adresës IP — jo nga cookie, jo nga llogaria.

Jo. Spoti yt luan te çdo sipërfaqe e ndezur, për çdo vizitor. Nuk zgjedh dot kategori: sot asnjë sipërfaqe nuk kufizohet prej tyre, dhe nuk do të të kërkonim të zgjedhësh diçka që nuk vepron. E vetmja gjë që kufizon ti janë orët e ditës.

Targetim sipas personit, qytetit apo historikut nuk ka askund: Ekrani nuk merr asnjë të dhënë nga llogaria e vizitorit, nuk e prek historinë e tij të shfletimit dhe nuk e ndjek nëpër faqe të tjera. Feed-i «Për ty» i përket vetë personit — asnjë reklamues nuk e sheh dhe nuk e prek.

Është sipërfaqja «Gjatë shfletimit» e Ekranit: një spot i vetëm, pa zë, që del mbi faqen që po lexon dhe mbyllet vetë kur mbaron. Del vetëm nëse ke pranuar «Marketing» te pëlqimi i cookie-ve, dhe kur ne e kemi ndezur atë sipërfaqe. Nuk ka lidhje me faqen apo me shpalljet që po shikon — luan çdo rezervim aktiv, për këdo njësoj.

Ritmi: një herë në 10 faqe, jo më shpesh se çdo 30 minuta, maksimum 3 herë në ditë, dhe një reklamë që e mbyll vetë nuk të kthehet për 24 orë. Mbylle me «Largo reklamën», me X-in, me Escape ose duke klikuar jashtë saj.

• Nuk del kurrë te faqja e një shpalljeje, te kërkimi, te publikimi, te paketat, te mesazhet, te suporti, te cilësimet, te hyrja, te «Për ty», te faqet ligjore, as te faqet e vetë Ekranit.
• Nuk hapet fare kur ke kërkuar më pak lëvizje te sistemi, kur ke ndezur kursimin e të dhënave, ose kur lidhja është e ngadaltë.
• Për ta fikur krejt: «Menaxho cookies» te fundi i faqes → «Vetëm thelbësore».

Nga paneli jo — rezervimet i shkruan vetëm stafi. Për zgjatje shtyp «Zgjat periudhën» te «Fushatat e mia»; për anulim ose ndalim shkruaji suportit. Njoftimi «Reklama po mbaron» vjen 14 ditë përpara për planin tremujor dhe atë gjysmëvjetor, dhe 30 ditë përpara për atë vjetor — që vendi të mos lirohet pa e ditur ti.

Ne mund ta ndalim një reklamë të aprovuar menjëherë nëse del se shkel rregullat, nëse lidhja çon diku tjetër nga ç'u aprovua, ose nëse destinacioni bëhet i pasigurt — pa rimbursim, dhe arsyeja të njoftohet. Nëse e ndalim ne për një arsye që nuk të përket, ditët e humbura shtohen te fundi i periudhës.

Hap mënyrën TV te shfletuesi i televizorit ose i një stick-u dhe lëre hapur: është e njëjta listë si muri, pa asnjë navigim, me orën e Kosovës në qoshe. Kursori fshihet pas tre sekondash, lista rifreskohet vetë, dhe faqja i kërkon pajisjes që ekrani të mos fiket.

Aty nuk ka buton klikimi: mbi çdo spot shkruhet madh adresa e shkurtër, që klientët e shtypin te telefoni. Luan pa zë. Është falas dhe nuk kërkon llogari.

Te «Ndihmë» — lidhja te shiriti i kategorive — ose «Suporti» te fundi i faqes. Duhet të jesh i kyçur: pa llogari të çon te hyrja dhe pas saj të kthen drejt te tiketa. Forma ka tri fusha — «Tema», «Kategoria» dhe «Mesazhi» — plus kontrollin kundër botëve.

• «Porosi — Paketa Premium» dhe «Porosi — Paketa Ultra» — kur do të paguash një paketë.
• «Plani «Sipas masës» — kërkesë shtesë» — për një kërkesë të dytë mbi planin «Sipas masës»; kërkesa e parë dërgohet nga vetë faqja e planit, e strukturuar.
• «Problem me një shpallje» — një shpallje e jotja nuk sillet siç pret.
• «Pagesa / fatura» — porosi e paguar, faturë, rimbursim.
• «Problem teknik» — diçka nuk punon ose nuk hyn dot.
• «Tjetër» — gjithçka tjetër, përfshirë ndërrimin e email-it dhe kërkesat për të dhënat.

Pas dërgimit hapesh drejt te biseda e tiketës. Kur vjen nga «Paguaj — kontakto suportin» te Porositë, tema, kategoria dhe mesazhi vijnë të parambushura me numrin e porosisë — ndryshoji lirisht.

Mesazhet te suporti kanë edhe një kufi prej 20 brenda një ore. Mesazhi i parë i çdo tikete nuk numërohet — ai është pjesë e hapjes, dhe përgjigjet e suportit nuk numërohen kurrë.

• «E hapur» — sapo e hap, dhe sa herë shkruan ti: çdo mesazh yti e kthen tiketën këtu.
• «Në pritje» dhe «E zgjidhur» — shenja të radhës së suportit; i vendos vetëm ai.
• «E mbyllur» — e mbyll ti kur ke mbaruar. Forma e përgjigjes fshihet dhe mbetet «Rihape».

Përgjigjja e suportit nuk e ndryshon statusin; e jotja e kthen gjithmonë te «E hapur». Nëse nuk je dakord me «E zgjidhur», thjesht shkruaj sërish — historia mbetet e plotë.

Po, te zilja: «Përgjigje te tiketa», me lidhje drejt te tiketa. Disa përgjigje para se ta hapësh grupohen te një njoftim i vetëm. Për atë që shkruan vetë nuk të njoftojmë.

Me email vetëm nëse «Njoftime me email» te Profili → Cilësimet është e ndezur. Emaili nuk niset në çast: dërgohet me radhën e përditshme, ndaj mund të vijë të nesërmen. Zilja është e menjëhershme.

Vetëm ti dhe ekipi i suportit. Asnjë përdorues tjetër nuk i sheh dhe te profili yt nuk dalin.

Nuk i fshin dot vetë. Kur ke mbaruar, e mbyll me «Mbyll»: ajo rri te lista, e mbyllur, dhe rihapet po të duash. Tiketat nuk kanë afat skadimi; zhduken vetëm bashkë me llogarinë.

Po. Bllokimi ndal publikimin, mesazhet e reja, fotot dhe paketat, por jo ankesën: te faqja e bllokimit gjen «Hap një ankesë», që të çon te suporti. Shpjego çfarë ndodhi.

• siguria@supershpejt.com — mashtrim me emrin tonë, phishing, llogari e komprometuar, ose diçka që ndodhi jashtë platformës.
• biznes@supershpejt.com — bashkëpunime; llogaria e biznesit dhe rezervimi te Ekrani kanë faqet e veta.
• ndihme@supershpejt.com — kërkesat për të dhënat e tua: kopje, korrigjim, fshirje.

Për gjithçka tjetër përdor tiketën: aty historia ruhet te llogaria jote dhe nuk e përsërit çdo herë. Emailet tona vijnë nga njoftime@supershpejt.com — përgjigjja te ai email nuk hap tiketë. Një shpallje të dyshimtë e raporton me «Raporto shpalljen», jo me email.

Fotoja, emri, emri i përdoruesit, shenjat e verifikimit ose të biznesit, numri i vlerësimeve që ke marrë — dhe mesatarja e tyre, por vetëm nga tri vlerësime e lart — qyteti, numri i shpalljeve, data kur u bëre anëtar, përshkrimi yt dhe shpalljet aktive e të shitura.

Nëse je biznes me vitrinë të aprovuar, publike janë edhe logoja, kopertina, motoja, veprimtaria, komuna dhe adresa, telefoni publik (vetëm nëse e ke ndezur «Shfaqe numrin te vitrina»), email-i publik, rrjetet sociale, orari, numri i ndjekësve dhe shpalljet e ngulitura — të gjitha vetëm nëse i ke plotësuar ti.

• Llogaria dhe profili: emri, emri i përdoruesit, fotoja, qyteti, përshkrimi dhe telefoni (këtë e sheh vetëm ti).
• Shpalljet me fotot, dhe bisedat që ke me përdorues të tjerë.
• Historia e shikimeve: cilat shpallje ke hapur, sa herë dhe kur — deri 200 shpallje, 90 ditë, e sheh vetëm ti.
• Kërkimet që i ruan vetë (deri 10) dhe Kërkesat që i shkruan vetë (deri 10 aktive).
• Tiketat e suportit, raportimet që bën, dhe njoftimet e ziles.

Nuk ruajmë: fjalët që shkruan te shiriti i kërkimit (kërkimet e fundit rrinë te shfletuesi yt), adresën tënde IP të plotë, pajisjen apo faqet që viziton. Kërkimi që e dërgon numërohet vetëm anonimisht për listën «Në trend» — pa llogari, pa IP, me një kod javor të pakthyeshëm — dhe fshihet pas 90 ditësh.

Jo. Të dhënat nuk u shiten palëve të treta dhe nuk përdoren për reklama të personalizuara — as brenda platformës: reklama që del te Ekrani është e njëjtë për këdo.

Vetëm ato të nevojshme: cookie-t e sesionit të hyrjes, të vendosura me SameSite=Lax që të mos dërgohen nga faqe të huaja. Cookie gjurmimi nuk ka.

Preferencat e tua nuk rrinë te cookie-t, por te kujtesa lokale e shfletuesit, dhe ajo nuk shkruhet te llogaria pa ty: shpalljet që ke hapur dhe kërkimet e fundit udhëtojnë vetëm si pyetje e çastit kur hap «Për ty» pa llogari, dhe serveri nuk i ruan. Kur hyn në llogari, shpalljet e hapura dhe zemrat kalojnë një herë te llogaria jote.

«Thelbësore» është gjithmonë aktive — cookie-ja e hyrjes dhe kujtesa e shfletuesit që e bën faqen të punojë. «Analitikë» ndez dy matje: sa herë hapet një faqe, dhe sa shpejt ngarkohet ajo te pajisja jote — të dyja pa cookie dhe pa tekstin e kërkimit. Faqet e llogarisë numërohen si faqe, por pa identifikues — te një bisedë dërgohet «/mesazhet/[id]», kurrë numri i saj. «Marketing» ndez reklamën që del gjatë shfletimit te Ekrani, e cila nuk personalizohet; pa të ajo nuk hapet fare. Të dy ndalen në çast kur i fik.

«Prano të gjitha» i ndez të dyja, «Vetëm thelbësore» i fik, «Konfiguro» i zgjedh veç e veç. Kur refuzon «Marketing», numëruesi i reklamës te pajisja jote fshihet bashkë me listën e reklamave që ke mbyllur. Zgjedhja ruhet te shfletuesi, jo te llogaria — në një pajisje tjetër banderola del sërish.

Kopjen e të dhënave dhe fshirjen i kërkon me tiketë ose me email te ndihme@supershpejt.com — buton vetë-shërbimi ende nuk ka. Korrigjimin e të dhënave të profilit e bën vetë te Profili → Cilësimet; historinë e shikimeve e fshin me një klikim te «Çfarë dimë për ty».