Nga shpallja te shitja, pa ndërmjetës

Po. Te faqja e shpalljes zgjidh «Vazhdo si guest», shkruaj email-in (emri është opsional) dhe shtyp «Dërgo lidhjen e verifikimit». Email-i mban një lidhje dhe një kod me 6 shifra: me cilindo krijohet një llogari e vërtetë dhe kthehesh te formulari. Lidhja të kyç aty ku e hap, kodi aty ku e shkruan — prandaj, kur e hap email-in në një pajisje tjetër, shkruaje kodin te ekrani «Kontrollo email-in» ku e kërkove.

Llogaritë e hapura kështu nuk kanë fjalëkalim — as ato të hapura me Google ose Facebook. Për t'i vënë një, shtyp «E harrove?» pranë fushës së fjalëkalimit te faqja e hyrjes dhe ndiq lidhjen që të vjen.

Shpalljet e llogarive të paverifikuara kalojnë nga moderimi para se të dalin publike. Derisa stafi ta aprovojë, shpalljen e sheh vetëm ti, te Profili → Shpalljet e mia.

Llogaritë e verifikuara dhe ato të biznesit publikojnë drejtpërdrejt, pa pritje.

Sa të duash — nuk hiqet kurrë vetvetiu nga lista. Por pas 60 ditësh pa e konfirmuar ti, merr shenjën «E skaduar»: fotoja del e hijezuar te rezultatet dhe brenda shpalljes blerësit i shfaqet një lajmërim se sendi mund të jetë shitur pa e konfirmuar askush. Ripërtrirja automatike nuk e shtyn këtë afat: ajo ndryshon vetëm datën që sheh blerësi, jo faktin që shpallja ende vlen.

Shenja bie sapo ta konfirmosh vetë: zgjidh «Ripërtrij» te menyja me tre pika, ose thjesht ndryshoje shpalljen. Në të dyja rastet afati rinis edhe 60 ditë. E njëjta gjë ndodh kur paguan «Rikthe në krye»: shpallja vlen të paktën 60 ditë nga dita e pagesës, dhe një afat më i gjatë nuk shkurtohet.

Nuk ke pse ta mbash mend afatin: 7 ditë para skadimit merr njoftimin «Shpallja skadon së shpejti», me datën, dhe ditën e skadimit «Shpallja u shënua e skaduar» — të dyja edhe me email, nëse e ke lënë ndezur «Njoftime me email» te cilësimet.

Vetëm nëse e shton vetë — dhe vetëm te blerësit me llogari; te një shpallje e shënuar «E shitur» nuk shfaqet fare. Një vizitor i pakyçur sheh butonin «Shfaq numrin», por numri nuk i niset fare: kur e shtyp, i hapet dritarja e hyrjes, dhe pasi hyn numri i shfaqet vetë. Një blerës që është tashmë i kyçur e sheh numrin të maskuar derisa të shtypë «shfaq». Te hapi i fundit i shpalljes ke edhe kutinë «Fshihe numrin — prano vetëm mesazhe».

E njëjta vlen për WhatsApp-in dhe Viber-in: edhe ata kërkojnë llogari, sepse lidhjet e tyre e mbajnë të njëjtin numër brenda.

Kur e shënon kutinë «Fshihe numrin», numri nuk niset te faqja e shpalljes për askënd — as për një blerës të kyçur, as si buton telefoni, as si WhatsApp ose Viber. Prandaj ato dy kuti çaktivizohen sa kohë fshehja është aktive: lidhjet e tyre e çojnë blerësin te i njëjti numër.

Kur e shënon shpalljen «E shitur», numri — bashkë me WhatsApp-in dhe Viber-in — nuk shfaqet më te faqja e saj, as për blerësit me llogari, dhe për të nuk hapen biseda të reja. Bisedat që ke tashmë vazhdojnë, kush e ka marrë numrin më parë e ka ende, dhe një numër i shkruar brenda përshkrimit mbetet pjesë e tekstit. Kur shpallja kthehet aktive, numri del sërish.

Po — kur dikush të shkruan dhe ti nuk e hap mesazhin, të dërgojmë një email: rreth 2 minuta pas mesazhit të parë të një bisede, rreth 10 minuta pas një përgjigjeje. Vlen për të dy anët: shitësi e merr kur i shkruan një blerës, blerësi kur i përgjigjet shitësi. Po e hape bisedën ndërkohë, ose po u përgjigje, emaili nuk niset.

Emaili ka emrin dhe emrin e përdoruesit të atij që të shkroi, sa mesazhe të palexuara ke dhe kur erdhi i fundit, si edhe titullin e shpalljes kur ajo është publike ose e jotja — kurrë tekstin e mesazhit. Disa biseda bashkohen në një email.

• Për të njëjtën bisedë të shkruajmë një herë. Nëse të shkruajnë sërish dhe ende s'e ke hapur — ose nëse dikush të shkroi për herë të parë dhe mesazhi i tij mbetet pa u hapur — të kujtojmë edhe një herë pas 24 orësh, pastaj heshtim derisa ta hapësh.
• Pasi e hap bisedën, mesazhi i radhës sjell sërish email — por jo më herët se 60 minuta pas emailit të mëparshëm për të njëjtën bisedë.
• Jo më shumë se një email për mesazhet çdo 30 minuta, jo më shumë se 6 në 24 orë, dhe jo më shumë se 2 në 24 orë për shkak të të njëjtit person.
• Një mesazh më i vjetër se 3 ditë nuk sjell më email.
• Nuk të dërgojmë email për mesazhet e dikujt që është bllokuar ose që e ke raportuar — atë vetë ose një shpallje të tij —, dhe kur je blerësi, as për bisedën e një shpalljeje që stafi e ka refuzuar ose hequr.

Vetëm një person që ka llogari të verifikuar dhe që ka pasur bisedë me ty për një shpallje — bisedë ku keni shkruar të dy, jo vetëm njëri.

Prandaj vlerësimet këtu janë të pakta. Një klikim mbi «Kontakto» nuk mjafton: kërkohet një veprim edhe nga ana tjetër, dhe atë një llogari e sajuar nuk e prodhon dot vetëm.