Siguria
Blej dhe shit pa rrezik
Shumica dërrmuese e shitblerjeve te SuperShpejt shkojnë mirë: dy njerëz takohen, e shohin mallin, paguajnë dhe ikin të kënaqur. Këto rregulla janë për pakicën që nuk shkon — që ta njohësh para se të kushtojë.
SuperShpejt nuk është palë në shitblerje dhe nuk e kontrollon dot çdo produkt me dorë. Por bisedat, raportimet dhe vërejtjet rrinë brenda platformës — dhe aty ndërhyjmë.
- 7 arsye raportimi
- 3 vërejtje = bllokim
- Numri i maskuar: +383 44 ••••••
- Ndalo bisedën. Mos dërgo asgjë tjetër — as para, as foto dokumenti.
- Raporto shpalljen — butoni rri te fundi i çdo shpalljeje, poshtë përshkrimit.
- Hap një tiketë te suporti me ID-në e shpalljes, nëse ke humbur diçka.
Raportimi dhe tiketa kërkojnë llogari; leximi jo.
Kontrollo gjithmonë adresën: faqja jonë e vetme zyrtare është supershpejt.com
Para se të kyçesh ose të shkruash çfarëdo të dhëne, shiko shiritin e adresës së shfletuesit: aty duhet të shkruajë pikërisht supershpejt.com — jo një adresë që i ngjan. Faqet që e imitojnë SuperShpejtin ndryshojnë një shkronjë ose shtojnë një fjalë, dhe duken njësoj. Faqen e hyrjes hape duke e shkruar vetë adresën ose nga faqerojtësit e tu, kurrë nga një lidhje që ta dërgon dikush.
Për blerësin
Kur blen
Takimi, kontrolli dhe pagesa — në këtë radhë, pa e kapërcyer asnjërën.
Bëj
- Takohu në vend publik, të ndriçuar dhe me lëvizje njerëzish. Për shuma të mëdha, zgjidh një bankë.
- Kontrollo produktin nga afër para se të paguash: elektronikën ndize, makinën çoje te një mekanik.
- Ruaji bisedat brenda platformës. Mesazhet nuk ndryshohen pas dërgimit, ndaj janë provë.
- Krahaso çmimin me shpalljet e ngjashme poshtë çdo shpalljeje para se të nisesh.
Mos bëj
- Mos dërgo paradhënie, depozitë apo «rezervim» te dikush që s'e ke takuar.
- Mos paguaj përmes një lidhjeje që ta dërgon pala tjetër. SuperShpejt nuk ndërmjetëson pagesa mes blerësit dhe shitësit.
- Mos u nxito kur çmimi është dukshëm nën treg dhe shitësi shtyn. Ndalu dhe pyet veten pse.
- Mos e lër chat-in e platformës që në mesazhin e parë, sidomos drejt një numri tjetër nga ai i shpalljes.
Për shitësin
Kur shet
Malli del nga dora jote vetëm pasi paratë të kenë hyrë në të.
Bëj
- Prano para në dorë, ose transfertë që e sheh të konfirmuar në llogarinë tënde — jo në ekranin e tjetrit.
- Për takime në shtëpi, mos rri vetëm.
- Fshij të dhënat personale nga pajisja para se ta dorëzosh.
- Nëse do vetëm mesazhe, zgjidh «Fshihe numrin» te hapi «Kontakti» i shpalljes: numri nuk dërgohet fare te faqja.
Mos bëj
- Mos jep të dhëna bankare, PIN apo kode verifikimi që të vijnë me SMS — asnjë blerës i vërtetë nuk i kërkon.
- Mos i beso një «dëshmie pagese» me foto. Ekrani i një aplikacioni bankar përpilohet për një minutë.
- Mos e dërgo mallin para se pagesa të jetë në llogarinë tënde, sado bindës të jetë «transportuesi».
- Mos dërgo foto të letërnjoftimit «për siguri». Vetëm verifikimi te platforma i kërkon, dhe ai rri privat.
Mashtrimet që i shohim
Gjashtë modele që përsëriten. Të gjitha kanë të njëjtin thelb: nxitim, largim nga platforma dhe para që lëvizin para mallit.
Blerësi «jashtë vendit»
- Si e njeh
- Nuk e sheh dot mallin, «ka një transportues» dhe pagesën për dërgesën ta kërkon ty paraprakisht — ose të dërgon një «konfirmim» pagese nga një bankë e huaj.
- Çfarë bën
- Mos dërgo asgjë para se paratë të jenë në llogarinë tënde. Nëse blerësi nuk vjen dot vetë, nuk ka shitje.
Lidhja e pagesës
- Si e njeh
- Një lidhje drejt një faqeje që imiton bankën, postën ose SuperShpejtin dhe kërkon numrin e kartës «për ta pranuar pagesën».
- Çfarë bën
- Mos e hap. Për të marrë para nuk shkruhet kurrë karta. SuperShpejt nuk ndërmjetëson pagesa mes blerësit dhe shitësit — çdo «faqe pagese» në emrin tonë është e rreme. Raporto shpalljen.
Kalimi i menjëhershëm jashtë platformës
- Si e njeh
- Që në mesazhin e parë të kërkon të vazhdoni «në WhatsApp ose Telegram», pa arsye, shpesh drejt një numri tjetër nga ai i shpalljes. Butonat WhatsApp/Viber te shpallja janë të shitësit — i dyshimtë është largimi i nxituar, jo kanali.
- Çfarë bën
- Qëndro në chat derisa të keni caktuar takimin. Çfarë thuhet aty nuk ndryshohet më pas, dhe stafi e lexon kur raporton.
Pagesa «e tepërt»
- Si e njeh
- Paguan «gabimisht» më shumë dhe kërkon t'i kthesh diferencën — para se transferta e parë të konfirmohet, ose me një dëshmi të rreme.
- Çfarë bën
- Mos kthe asgjë. Transferta anulohet, kthimi yt jo. Prit që banka jote ta tregojë shumën, dhe vetëm atë shumë.
Faqja që imiton hyrjen me Google ose Facebook
- Si e njeh
- Një lidhje «për ta parë ofertën» hap një ekran hyrjeje të Google-it ose Facebook-ut që duket i vërtetë, por adresa nuk është e tyre. Meqë te ne hyhet edhe me Google e Facebook, ai fjalëkalim hap edhe llogarinë tënde këtu.
- Çfarë bën
- Kontrollo shiritin e adresës para se të shkruash. Ne nuk e kërkojmë kurrë fjalëkalimin e Google-it apo të Facebook-ut, dhe fjalëkalimin tënd te SuperShpejt e shkruan vetëm në faqet e supershpejt.com — te hyrja, regjistrimi dhe rikthimi i fjalëkalimit — kurrë diku tjetër.
Shkëmbimi i vlerësimeve
- Si e njeh
- «Të vlerësoj vetëm nëse më vlerëson edhe ti», ose kërkesa për ta hequr një vlerësim në këmbim të diçkaje.
- Çfarë bën
- Mos hyr në pazar. Vlerësimet e sajuara ose të shkëmbyera hiqen dhe sjellin vërejtje. Raportoje vlerësimin nga butoni «Raporto» poshtë tij.
Si të mbron platforma
Vetëm ato që punojnë sot — asnjë premtim për të ardhmen.
Raportim konfidencial
Verifikimi i identitetit
Chat brenda platformës
Vlerësime vetëm pas bisede
3 vërejtje = bllokim
Moderim para publikimit
Kufijtë
Kufijtë kundër spam-it
Zbatohen nga baza e të dhënave, jo nga butonat — edhe një skript i nënshtrohet. Ku ka tre numra, ata vlejnë për llogari e zakonshme, llogari e verifikuar dhe llogari biznesi, në këtë radhë.
Rrëshqit anash
| Veprimi | Kufiri | Çfarë ndal |
|---|---|---|
| Mesazhe | 30 në minutë | Vërshimin e një bisede me mesazhe të njëpasnjëshme. |
| Biseda të reja | 15 në orë; 20 / 50 / 100 në ditë | Kontaktimin masiv të shitësve nga një llogari e vetme. |
| Raportime | 10 në 24 orë; një herë për shpallje | Mbushjen e radhës së moderimit me raportime të kota. |
| Vlerësime | 3 në orë; 10 në ditë | Vlerësimet me shumicë, në të dyja drejtimet. |
| Shpallje të reja | 10 / 30 / 50 në ditë | Spam-in me shpallje të njëjta nga një llogari. |
Llogaria jote
Llogaria është çelësi i shpalljeve, i bisedave dhe i vlerësimeve të tua. Tri gjëra e mbajnë të sigurt.
Fjalëkalimi
Nga 8 deri në 72 shenja, me të paktën një shkronjë dhe një numër. Përdor një që nuk e përdor askund tjetër — dhe e kontrollojmë edhe kundrejt rrjedhjeve publike të të dhënave: nëse është gjetur te ndonjëra, nuk e pranojmë. Verifikim dyfaktorësh nuk ofrohet, prandaj fjalëkalimi mban gjithë peshën. E harrove? Rikthe fjalëkalimin.Hyrja me Google ose Facebook
Fjalëkalimi i ofruesit nuk kalon kurrë nga ne: ridrejtohesh te ata dhe kthehesh me sesion. Por te ne nuk ke fjalëkalim, dhe kush e humb atë llogari, e humb edhe këtë. Sa je brenda, cakto një fjalëkalim rezervë nga rikthimi i fjalëkalimit — lidhja «E harrove?» te faqja e hyrjes.Ne nuk ta kërkojmë kurrë fjalëkalimin
As me email, as në chat, as me telefon — dhe asnjë kod SMS. Fjalëkalimin e shkruan vetëm në faqet e supershpejt.com (hyrja, regjistrimi, rikthimi). Lidhjet e llogarisë çojnë gjithmonë te supershpejt.com; kontrollo shiritin e adresës para se të shkruash.Kontroll kundër botëve
Hyrja, regjistrimi, lidhja magjike dhe rikthimi i fjalëkalimit kalojnë nga një shërbim i palës së tretë që i dallon njerëzit nga botët.
Hyrje pa fjalëkalim
Lidhja magjike në email hap sesionin pa shkruar asgjë — pra asgjë që të vidhet në një faqe të rreme.
Regjistrim i konfirmuar
Llogaria me email hapet vetëm pasi ta konfirmosh me lidhjen që të vjen. Nëse email-i ekziston tashmë, ekrani është i njëjti — askush nuk e mëson nga jashtë.
Emri i përdoruesit me ftohje
Ndërrimi i emrit ka periudhë pritjeje dhe emri i lëshuar mbahet për një kohë, që askush të mos e zërë ditën tjetër dhe të paraqitet si ti. Emrat e markës dhe të stafit janë të rezervuar.
Nëse diçka shkon keq
Hap pas hapi, brenda platformës — dhe jashtë saj kur është vepër penale.
Ndalo bisedën
Mos u përgjigj më dhe mos dërgo asgjë tjetër. Çdo mesazh i mëtejshëm i jep tjetrit një shans më shumë.Raporto shpalljen
Butoni «Raporto shpalljen» rri te fundi i çdo shpalljeje, poshtë përshkrimit. Zgjidh njërën nga 7 arsyet — «Mashtrim ose spam» është e para në listë — dhe shto detajet. Kërkon llogari; e njëjta shpallje raportohet një herë.Raporto vlerësimin, kur është ai
Poshtë çdo vlerësimi ka butonin «Raporto», me 7 arsye të vetat — ndër to «Shantazh ose shkëmbim vlerësimesh». Shkon te e njëjta radhë e stafit.Ruaj provat brenda platformës
Mos e vazhdo bisedën jashtë platformës. Mesazhet nuk ndryshohen pas dërgimit, ndaj stafi i lexon ashtu siç u shkruan. Kodi i shkurtër i shpalljes rri pranë datës «Shtuar»; një klikim e kopjon ID-në e plotë.Hap një tiketë te suporti
Kur ke humbur para ose diçka kërkon shpjegim, shkruaj te suporti me ID-në e shpalljes dhe çfarë ndodhi. Kërkon llogari. Edhe ankesa për një vërejtje ose bllokim bëhet aty.Për vepra penale, drejtohu policisë
Vjedhje, kërcënim, mashtrim me para të dërguara — këto i trajton Policia e Kosovës, në numrin 192. Bashkëpunojmë me autoritetet kur na kërkohet ligjërisht.
Çfarë ndodh pas raportimit
Raportimi hyn te radha e stafit. Pala e raportuar nuk njoftohet dhe nuk e sheh kush e raportoi. Ti merr njoftimin «Raportimi u shqyrtua» — pa vendimin, me qëllim, që raportimi të mos bëhet mjet presioni. Kur stafi gjen shkelje, jep vërejtje; 3 vërejtje brenda 180 ditësh e bllokojnë llogarinë vetvetiu.Bllokimi nga ana jote nuk ofrohet
Nuk ka buton «blloko përdoruesin» dhe biseda nuk fshihet. Raportimi i shpalljes është rruga — dhe stafi ndërhyn te llogaria, jo vetëm te shpallja.Ke hasur diçka që nuk shkon?
Raporto shpalljen nga faqja e saj, ose hap një tiketë te suporti me ID-në e shpalljes. Të dyja kërkojnë llogari — leximi i kësaj faqeje jo.